冬裝攻略：潮跟梁詠琪全智賢 必買褸款
等咗咁耐，氣溫終於都跌到十幾度喇，冬天衫可以出籠喇！溫馨提示大家要注意保暖之餘，都要貼住個潮流大市，【add即時‧尚】參考各路星級示範，嚴選出至hit至chic嘅冬日服飾！
外套大褸係冬裝穩膽，一件長度至大脾位的中褸絕對是女士恩物！不單有效擋風，更可以修飾腰部與下半身較豐滿的問題。靚媽媽梁詠琪與大肚女神全智賢都鍾意着中褸，更不約而同揀格紋款，classic、優雅、貴氣兼夠襟興！
今季唔少牌子都推出格紋中褸，除咗大牌如Lanvin、Marc Jacobs、Victoria Beckham，中價位嘅Tory Burch都有，cutting同格紋風格各具特色。
格紋中褸感覺都比較斯文，如果鍾意tough啲嘅style，可以睇吓舒淇同少女時代嘅允兒，佢哋最近都示範軍褸look。舒淇着Chloe軍褸配西褲夠帥，允兒披件parka軍褸較sporty，簡單襯全黑嘅衫褲加牛仔帽同長boots，已經好有型。
尚無回應.