香港有關UFO的報告持續減少，外星人對地球已沒興趣？
「不要招惹外星人！」天文物理學家霍金去世後，生前忠告被人牢記。去年美國太空總署亦曾招聘「地球保衞者」，神秘外星人之說再次引起討論。然而，根據天文台資料，香港目擊UFO報告卻呈下跌趨勢，社會信造假多於信UFO的存在。到底是否「人在做，天在看？」，還是外星人對香港以至地球都不再有興趣？
根據香港天文台的資料顯示，接獲市民目擊UFO的報告數字有下跌趨勢，2014至2017年這4年間，與過去4年(2010至2013年)比較，報告數字下跌5成。綜觀多年數字，原來區區都有市民見過UFO，在西貢的目擊次數最多達8宗，穩佔榜首；其次為灣仔、大埔及元朗。而疑似UFO最常出現的時間多為晚上6時至8時，共有21宗。
近年少了市民報告目擊UFO，是否連外星人都嫌香港太擠迫？天文學愛好者夏韶聲（Danny Summer）則有另一番心得：「我諗係冇乜關係，反而呢幾年係愈來愈多，多咗呢啲嘢(UFO)出現，好多人都影到。」至於官方數量下跌，他則認為是資訊科技發達的結果。人們可在網上找資料和交流，當有人發現有UFO時，寧願影相放上網「呃Like」，也不會打去天文台舉報。
「其實UFO喺香港出現都唔少，差唔多隔日都有人會畀我睇。」他憶述，曾和朋友一同見過的UFO，有時候只是一粒光，有時候則是難以形容的形態：「都幾得人驚，我哋都諗唔到佢嘅形狀。」
說到香港最轟動目擊UFO事件，離不開是「華富邨目擊」個案。據說在上世紀70至80年代，有一架多角形的黑色物體，在香港島華富邨上空低飛。目擊者感到劇烈震動，該UFO亦發出巨大聲響，兩旁閃着金和銀色的光，其後飛向海便消失了。
太空之大，香港人應如何「自救」？Danny Summer笑言：「香港人唔使面對，香港喺個地球度都只係一粒點，隻UFO經過地球嗰陣，分分鐘停唔切畀你睇到。」他表示曾在調景嶺和西貢見過UFO，亦有朋友告訴他在屯門、屏山、深圳灣等地方，「半夜4、5點就會有隻嘢喺嗰度經過，其實月球都已經有好多嘢發生緊，好多嘢睇！」
面對不少人質疑UFO的可信性，他反駁說：「有人會問係咪飛機，如果咁同我哋講嘅人，可以唔使同我講嘢。」又謂：「我哋呢啲人已經識分係咪飛機！」對他來說，每人都有自己相信的事情，但他會向不相信的人說：「你真係傻喇，你未見過咋嘛。點解我話你傻呢？因為我見過吖嘛！」
尚無回應.