《歌手》踢館！許靖韻唱陳小春經典
「小背心」許靖韻（Angela）到電台為節目錄音，她表示早前參與湖南衛視節目《歌手2019》播出第一集，她以踢館歌手身份出戰，只得兩日時間準備，臨急臨忙揀歌和混音：「最後揀咗陳小春嘅經典歌《獻世》，我一直好鍾意呢首歌，係周杰倫寫嘅，難得有機會想上呢個舞台唱廣東歌。（點解會有呢個機會？）今年有新賽制係全面推選，我啲Fans好用力投票推舉我，我都好緊張，冇諗過有得參加！（滿唔滿意自己表現？）我同編曲人都盡咗力。（有咩期望？）好似係今季第一首廣東歌，希望大家鍾意呢個女仔版本。（鍾意參與呢類型節目？）令我短時間進步好多，好好玩好刺激。」
對於有指該節目的現場觀眾反應過分誇張，她表示現場見到的反應都很真實，但因太緊張沒有很留意，會再看看節目出街的效果。
許靖韻唱陳小春經典。
尚無回應.