楊思琦爆舊愛 冇畀過錢養女
藝人楊思琦與羅霖接受清談節目《Master’s Talk師父有請》訪問。談到當年「嫁入豪門」，羅霖坦言：「當時冇諗過同佢（前夫劉坤銘）結婚，我18歲就做空姐，見識過豪華生活，初初對佢冇乜感覺。（人哋覺得你湊大3個仔好堅強。）離婚唔係一朝一夕，我忍咗好多年，贍養費係零。起初只係帶細仔離開，不過大仔同二仔主動帶行李跟我，變相負擔愈嚟愈大。」她指二仔有次從外國放假返港，對着她說：「呢幾年辛苦你喇！」她邊說邊哽咽，身旁的思琦都聽到感動落淚。
至於楊思琦當年未婚懷孕，震驚娛圈，她坦言：「生小朋友係我嘅打算，同對方（前男友吳帥）有問題冇再喺埋一齊……件事好簡單，我唔覺得有幾震撼。佢冇喺經濟上支援囡囡，咁我負擔到就冇問題。不過當時被追訪，都擔心前路茫茫，我唔係驚人哋點睇，最緊要有飯食。」
尚無回應.