【星島日報報道】高海寧（高Ling）和張振朗合作新劇《童時愛上你》煞停開拍，她不覺得振朗「黑仔」；最近她受球星高比拜仁的曼巴精神影響，早睡早起學習做自律的人，將每日行程放上網，不想被人睇死三分鐘熱度。文︰余潤娟 圖︰譚志光

高Ling、蔡思貝及單文柔昨日為節目《Think Big天地》錄影。高Ling和張振朗合作新劇《童時愛上你》被煞停開拍，問她是否劇本需要修改？高Ling指監製已解釋過，一來因疫情問題，二來想劇本更好，雖然一班藝員已圍讀準備開工，但希望成果更好，同時證明公司對製作有要求。談到她與振朗合作，會否覺得對方「黑仔」？她笑言不覺得振朗黑仔，反指對方演技好又有 獎，又表示好多事要看結果並非看過程，公司蝕錢也延拍是好事。

最近高Ling看了球星高比拜仁的傳記及訪問，除了對方的實力及熱誠外，更被對方的態度及曼巴精神所吸引，目前正學習做自律的人，每日規定7時起身，吃完早餐、跑步及睇書。她透露以前會三分鐘熱度，但今次好大決心，不要被人睇死。

蔡思貝湊小朋友覺夢幻

蔡思貝自覺與小朋友較有緣，以前她在德國做過嬰兒保母，現在更是賴慰玲兒子的契媽，最近她試過照顧契仔，陪契仔吃早餐，當做功課開始感到有點辛苦，因小朋友不喜歡坐定定，但感覺與契仔單獨相處好夢幻及感動。問她是否更有信心做媽咪？她稱未準備好，工作衝刺期不可以貪心，她做媽咪一定要自己照顧，所以生小朋友要遲一步。此外，對於王祖藍辭演古裝喜劇，她表示等公司安排，若今次無法和王祖藍合作會有點可惜，唯有希望下次。

單文柔則表示見到一班舊主持好開心，問她會否復出主持節目？她指出要照顧家庭難以取捨。至於會否再生小朋友？她直言有考慮，目前照顧女兒及老公已經好忙。

歌手連詩雅早前為拍攝無綫劇《白色強人II》到深圳隔離，出關後她每日都會在社交網分享生活，昨日又發功，並寫道：「調節，改變，調節，改變，大概就是生活的節奏！」字句簡單，但意味深長，不過有網民將重點放落配圖上，只見她穿上絲質吊帶睡衣坐在床上沉思，相當誘人，連好友陳自瑤也不禁留言：「Hot！」

無綫小花朱智賢因「偷食事件」暫別幕前接近1年，終獲無綫放生，昨出席劇集宣傳，甫出現即搶盡李佳芯與陳瀅風頭。瘦到得22吋腰的她表現緊張，多次賣口乖表示一切工作聽從公司安排。提到黎振燁，她即「落閘」表示認清目標向前看，過去的事不會再想！

朱智賢（朱朱）昨日與李佳芯、陳瀅、蕭正楠及曹永廉等為無綫劇集《愛美麗狂想曲》宣傳，去年搭上人夫黎振燁的朱朱，經過約1年「雪藏」終解封，有得站台自然成為風頭躉，不過她自知在劇中只擔任單元角色，故影合照時自動自覺靠邊站。她冇工開期間，積極充實自己，又迷上行山及狂做運動，目前僅得22吋腰，明顯比之前消瘦。活動期間，朱朱表現緊張兼滿懷心事，阿廉及黃建東等主動跟她傾偈「減壓」，其經理人則全程傍實，而有份參演該劇的黎振燁則繼續「冇影」。至於同樣惹上偷食風波的黃心穎遭無綫放棄，與朱朱的待遇可謂同人唔同命！

相信公司安排

朱朱受訪時被問心情如何？她表示：「OK嘅。（尋晚瞓唔瞓得着？）瞓到，好多謝公司安排我為自己嘅劇集宣傳。（意味復出？）要等安排，總之相信公司嘅安排係最好。（你覺得呢？）當然想快啲有工作，但唔係我話事，我就Ready接受任何工作，而且會盡力做好。」

她坦言經一事長一智：「依家最緊要認清目標，專注事業，話畀大家聽我係專業演員。（感激男友謝東閔？）我哋不嬲互相扶持。（係咪打風打唔甩？）我哋私底下有共識，總之事業為重。（有冇同黎振燁聯絡？）做人要向前望，過咗去嘅嘢唔想再諗！」並再次強調會做好自己，感激有份給她機會的所有人。

陳瀅：點解佢瘦咗咁多

同場的演員對朱智賢「復工」沒有太在意，可能不想女方尷尬，而陳瀅表示：「我都有同佢傾，點解佢瘦咗咁多。」她與阿蕭於劇中飾演情侶，女主角李佳芯踢爆陳瀅有性感演出，阿蕭笑言：「嗰場戲佢好忙咁除我啲衫同褲，太亂之下我條底褲甩咗一半，即刻叫停，着番條打底褲再拍，所以我同啲男士講佢好猛同狂野，頂得順先好追佢！」

陳瀅靦覥承認性格「麻甩」：「我只係平日着衫比較女仔，同埋劇入面我個角色比較麻甩，所有嘢都採取主動。套劇煞科，我都未即刻搣得甩嗰陣麻甩味，被朋友投訴講嘢粗魯！」本月23日生日的阿蕭笑言有機會與放假中的太太黃翠如過二人世界：「睇吓到時佢點安排啦。（佢有驚喜畀你？）驚嚇多啲喎！」

另外，有網民指《愛》劇「撒鹽花」，靠李佳芯多場性感演出吸收視，她表示：「我諗鹽花兩個字用唔到喺我身上。（你淋啲酒落身喎，好性感。）我淋火酒都冇咁嘅效果啦！（習慣一個人？）我享受獨處，作為藝人都要空間去思考角色同工作。」

【星島日報報道】著名音樂人及演唱會 樂總監 丹儀聯同星級樂 KB（Kelvin boy）主持網上音樂節目《MUSIC PANDA》，每集邀不同歌 或組合Jam歌， 談鮮為 知樂壇事。關心妍打頭陣擔任首集嘉賓，大唱《關家姐》提及當年事件，並與「造星神經刀」CY（陳澤言）Jam歌，原來她有追看《全民造星III》很欣賞CY，兩人又分享參加歌唱比賽入樂壇的 路歷程。關心妍提到當新人時曾遭其他歌手「批 」搶位企，坦言：「我好冇用，成日都企後面。成日被唱片公司同事鬧我唔識撈，唔去爭前少少企位」。

KB和丹儀就大爆天王級歌手的舊事，丹儀爆「金句王」曾講過：「歌唔係用來練」。KB更開名大讚黎天王，他重提2006年跟Leon去美國登台，對方在開騷前走入樂手房同大家打招呼，並留下金句：「大家唔使緊張，我都唔緊張，你 都唔需要緊張，因為我手中有咪、心中有歌，我背後有你 ，我 一齊出去速戰速決！」當時還是小樂手的KB覺得非常暖心，即場對Leon改觀。

吳浩康秘撻33C「格鬥女神」郭思琳，2人孖住到南丫島「野外露宿」被斷正，但原來「驚」喜一浪接一浪，女方被踢爆有個拍拖3年的圈外男友，對方有小朋友，她更以女主人身份融入家中，如今斷正疑一腳踏兩船，背正印男友偷食吳浩康！

歌手吳浩康（Deep）被爆日前白色情人節與樣靚身材正的郭思琳，以情侶裝上陣同遊南丫島兼宿一宵。對於「戀情」曝光，他們的回覆未有否認，字裏行間更令人有所聯想。思琳表示當日是與一班朋友去玩：「只係我哋有嘢做要後join，約埋一齊搭船入去！我同Deep係識咗好多年嘅朋友。」隨後又表示男未婚女未嫁，不會抹殺任何可能性，更幫Deep「洗底」：「佢個人好好，我睇到佢正面嘅轉變。」而Deep亦坦言跟她是好朋友：「大家都鍾意運動同行山，所以好投契。」正當以為戀情浮面時，思琳卻被爆原來已有拍拖長達3年的圈外男友，惹來偷食疑雲！

據知思琳的男友叫Chester Chan，年約40多歲，從事金融，2人興趣相同，同樣愛玩」吳浩康搭上郭思琳，蜜遊南丫島斷正。