Archive for 2021 年 4 月 18 日
藝人李璧琦和龔柯允前晚現身旺角，為新片《等一個擁抱》謝票。近日2人走勻全港謝票，開心見到有不少場次座無虛席。提到近日無綫重播廖啟智有份演出的劇集《律政強人》，於劇中飾演對方太太的李璧琦表示：「我唔夠膽睇番！最初聽到智叔過身好傷心，忍唔住發咗個訊息畀佢，雖然知道佢睇唔到，但都想表達自己嘅心意。」而龔柯允表示早前接獲DJ閆擎離世的消息，忍不住在直播中哭起來，她憑歌寄意，在新歌中抒發感受。
另外，李璧琦昨日到新城電台接受訪問，表示之後會繼續謝票，開心獲好多朋友包場支持，有客戶更邀請一班天水圍低收入的單親家庭小朋友入場欣賞，她笑言：「希望盡包我哋啦！」
藝人陳瀅昨日為新劇宣傳，講到日前在劇中爆喊被讚逼真，她解釋演出時想起初戀男友，曾被對方背叛及有肢體碰撞，身心受創。
陳瀅、歐陽震華（Bobby）及馬德鐘（Joe）昨日出席新劇《伙記辦大事》宣傳活動，現場有十多架鐵騎造勢。陳瀅在劇中一幕面對前度時爆喊兼流鼻水，演技大爆發，她坦言拍攝時想起初戀男友：「佢係傷得我好深。（點樣傷你？）有背叛同有啲推撞，但我好鍾意佢。（經歷好慘？）好多關係都會有爭拗，只可以話佢唔係好嘅初戀。」說時不禁眼濕濕。她指拍過4次拖，自言第5個尚未出現：「我冇時間識人，朋友戥我心急，一日內有4個朋友都話要介紹男仔畀我識，但我好怕呢啲，覺得尷尬。」
歐陽震華預計收視70點
她又透露原本為劇集考電單車牌，但最終失敗，又自嘲一把年紀不會再考，問到擇偶條件是否要識駕電單車？她說：「揀男友係唔可以揸電單車，因為危險，但要識揸車，同埋技術要好。」
另外，對於新劇口碑不俗，Bobby開玩笑指預計收視有70點，問到是否因他是「收視福將」故無懼友台？他說：「唔好畀啲無形枷鎖我，都係要睇表現，觀眾睇得開心最重要。」他指最初是有意飾演Joe亦正亦邪的角色，但監製擔心他演反派會令人發笑。
而劇中Joe與年紀相差21歲的陳瀅飾演情侶被指忘年戀，Joe稱沒多想：「我覺得OK，我哋唔係後生仔女嗰種激烈，而係細水長流。」Bobby就自言跟萬綺雯在劇中是閨密關係，又指現實中多閨密：「晚晚打畀我，全部都係唔開心先搵我。（唔怕太太呷醋？）我啲閨密太太全部都識，佢好放心。」
