香港天王劉德華俊俏臉蛋凍齡40年，深邃大眼和高挺鷹勾鼻是他的正字招牌，不過劉德華親弟弟劉德盛長相卻和他完全不像，近日劉德盛照片在網路流傳，貴為天王親弟弟，劉德盛是低調的隱形富豪，外型壯碩、留滿落腮鬍，還撞臉日本宗教教主麻原彰晃。

▲劉德華帥氣臉龐超凍齡。

劉德華出生於一個大家庭，有3個姊姊、1個弟弟、1個妹妹，劉德華和弟弟感情要好，曾經一起開電影製作公司，劉德華拍電影，弟弟負責後期製作，兄弟倆也合夥投資，據傳，工作親力親為的劉德盛，身家超過5000萬港幣（約台幣2億元），早早就過著逍遙自在的生活。

▲劉德華弟弟是隱形富豪。

劉德盛和劉德華神韻有七分像，但是人到中年，身形橫向發展，加上滿臉落腮鬍，打扮又與市井小民無異，很難讓人聯想到他是劉德華親弟弟。雖然劉德盛擁有2億身家，但生活非常簡樸，常以T恤短褲的穿搭亮相，平日出入也會搭公車，沒有富豪的排場。

賭王何鴻燊三房千金何超蓮，與內地男星竇驍拍拖以來感情穩定，近月超蓮一直留在內地，與男友不是遊山玩水，就是出席公開活動，甜蜜放閃。昨日有女星接受內地傳媒訪問時，突然踢爆超蓮已婚：「現在她也結婚嫁人，而且嫁了一個我們中國很出名的男演員。」消息有如震撼彈！不過，爆料女星不久即在社交網澄清擺烏龍：「非常抱歉！在最近的一個訪問中說『你們已經結婚了』，經了解這是一個美麗的誤會，非常抱歉給你們倆添麻煩了，祝你們開心幸福。」

而兩位當事人亦先後作出澄清，竇驍受訪時說：「沒有結婚，現在還在守喪期！」而超蓮亦未有太介懷，只說：「有好消息再通知大家。」

「人氣王」姜濤今天22歲生日，一班「姜糖」早前已包下電車車身廣告，打造「姜濤號」為偶像賀壽。財力雄厚的「姜糖」送上的當然不止「小小心意」，生日應援更是浪接浪，fans club日前公告會在全港7幢大廈的巨型LED廣告牌賀壽，姜濤居住的銅鑼灣便有4個打卡地點，連帶電車、車站廣告及地鐵站廣告等，難怪Fans笑言要將銅鑼灣打造成「姜濤灣」！向來愛錫Fans的姜濤，也趁21歲最後一天感謝「姜糖」支持，在限時動態寫道：「謝謝大家為我做的一切，我都有看到！」

此外，ViuTV節目《考有Feel》昨晚及今晚播出最後兩集，MIRROR及ERROR再次總動員，兩隊每勝出一回合可獲得現金獎，在遊戲「跣上任務」中，在旁觀戰的姜濤為贏獎金，不惜一切從場外撲向肥仔、阻肥仔完成任務，肥仔則用力將姜濤拉入場，姜濤跣腳搞到滿頭肥皂泡，筋疲力盡後搞笑搶去ERROR隊自製的白旗表示投降。

樂壇天后容祖兒與前度劉浩龍分手後，前晚首度公開同場現身，但全程零交流零接觸。為免2人成為焦點，大會避開他們同框的尷尬，浩龍更被當成隱形人，由宣傳海報到大合照，統統「被消失」！

容祖兒與劉浩龍（師兄）2012年公開戀情，但這段「女尊男卑」的關係一直不被看好，至2018年宣布玩完，雖然2人聲稱再見亦是朋友，但私下已沒甚聯絡。前晚他們同處內地一個晚宴擔任表演嘉賓，久別重逢但同場不相見，既沒有重拾昔日情誼開心交談，甚至零交流！

後台自我「隔離」

祖兒前晚為護膚品牌在深圳蛇口舉行的Annual Dinner擔任嘉賓，同場竟出現其舊愛師兄，據知2人分手後首度在公開場合齊齊出現，但卻是前後腳登場，師兄是第2個表演嘉賓，而祖兒則壓軸。獲大會天后級款待的祖兒，有獨立貴賓房裝身及休息，與其他嘉賓「隔離」，據知她與師兄在後台零交流，甚至未有見面打招呼。

因內地真人騷《乘風破浪的姐姐2》而人氣急升的祖兒，剛忙完節目就病倒，要看醫生服藥，但她未有放低工作，活動接完一個又一個，雖然敬業樂業，但很多Fans都擔心她捱不住。當晚她以一襲露背晚裝索爆上陣，甫出場即掀起全晚高潮，她一口氣連唱《隆重登場》、《痛愛》及《揮着翅膀的女孩》3首金曲，期間親切地與台下Fans握手，狀態甚佳，網民大讚她雖然帶病態美，但絲毫沒有影響發揮，有如「行走的CD機」。

海報合照冇影

其實當晚的表演嘉賓還有打頭陣的梁漢文及關楚耀，台下亦有不少藝人撐場，包括羅霖、麥玲玲、梁競徽、李璨琛等，但最離奇是大會的宣傳海報連藝人趙永洪都有份，偏偏不見獲安排獻唱的師兄，令人莫名其妙，有指是大會刻意安排，以免製造不必要話題。緊接梁漢文出場的師兄，西裝骨骨演唱其經典作《思覺失調》，大受歡迎，不少Fans爭相與他握手，他在社交網上載身在晚宴的獨照，寫道：「今晚我係一個行政人員。」而在趙永洪上載的嘉賓與客戶大合照中，同樣不見師兄的身影，疑避開與前度祖兒同框的尷尬，有如隱形人一樣。

 

廖碧兒與百億富商男友盧啟賢關係撲朔迷離，早前男方將她降呢為「好友」，又跟囡囡稱呼她為「Auntie」，女方「報復式反擊」自爆身邊多追求者，人龍猶如跑馬拉松一樣長！談及擇偶條件，她否認睇錢至上，拒絕做「出租女友」！

42歲女星廖碧兒（Bernice）入行以來緋聞不絕，身邊男伴如車輪轉，位位非富則貴，暫時她情歸坐擁百億身家、曾有過一段婚姻的盧啟賢。日前她接受本報專訪時大談愛情觀，4年前她考獲國際品酒認證Level 3資格，更是紅酒酒莊的莊主，坦言希望另一半同樣是好摸酒杯底之人，有共同話題︰「一齊飲梗係開心，起碼佢識得欣賞、品嘗。因為屋企做飲食，而且自己本身又鍾意飲飲食食，睇我骨骼精奇就知啦！大家都鍾意就變咗有話題，其實係生活嘅一部分。」她同意公開戀情，但大前提要尊重對方︰「因為另一半未必係做呢行，其實想公開咪公開，最重要係溝通。」

以酒比喻男士

期間她自爆現時有好多追求者，數量猶如跑馬拉松的長度︰「做我哋呢行有桃花係啱嘅。」不過她笑言未Feel到裙下之臣發動猛烈追求攻勢。問到追求者是否被她以往的富貴男友嚇怕，有錢才能贏在起跑線？她秒速否認是拜金女，極力反對用金錢衡量另一半，此舉會顯露小女人一面，並指追求者欲奪她芳心，一切取決於心意︰「唔係一定要用錢追我，送親手做嘅手作仔都可以打動我。」她冧爆稱一直鍾情成熟、穩重型，並以品酒師身份評論男士，理想對象等同酒界中有烈酒王之稱的威士忌︰「冇添加雜質、濃度高，最好係愈擺愈純！」

拒做出租女友

自認思想傳統的Bernice，對於現今世代的「速食文化」有另一睇法，她直言難以接受時興的Part-time Girlfriend（出租女友）︰「之前同班後生仔做節目，停機嗰陣聽佢哋講依家有呢一樣嘢（出租女友），我真係唔得，你可能話我好老土，但我真係接受唔到呢啲咁前衞嘅交往方式。」而她就像普通人一樣享受跟男友拍拖的甜蜜時刻，認定對方才開始交往，絕對不是玩泥沙般兒戲。

前亞姐冠軍韓君婷承擔了亡母高達40萬的醫療費，在經濟低迷的情況下月復月還債，勉強維持生計，惟近年因從事的美容工作欠前景，轉型做KOL及在網上帶貨的她收入不穩定，最後未能清還餘下的20多萬債務，要申請破產。

充滿正能量的君婷樂觀面對困境，日前被發現憔悴行街，與友人聚會獲「包食包飲」，總算得到照顧。她昨日受訪時表示會重新出發：「報道出街後得到好多朋友嘅關懷，又有觀眾睇我帶貨、幫襯我買嘢、請我飲咖啡。我要重整一下人生，即使好大壓力，我都會積極面對，最近亦已經搬離威威（蔡國威）屋企，其他嘢唔想回應咁多，亦唔好問我住邊，因為我想保留番啲私隱！」

至於蔡國威透露：「佢啱啱搬走咗一個星期，其實2年前佢搬嚟我屋企都只係過渡期，我已經盡咗能力，無論喺住、日常生活開支各方面，幫得幾多得幾多。佢搬之前同我講已經搵到理想工作，自己養到自己。我都唔知佢搬去邊，但作為朋友，會祝福佢之後有精彩嘅人生！」

鄭裕玲（嘟嘟）主持嘅電台節目搵咗蕭正楠做訪問，大談入行經過、拍劇經歷等，被嘟嘟問到同老婆黃翠如嘅愛情故事時，阿蕭都好大方分享！當講到翠如性格男仔頭時，阿蕭笑言：「你見洪永城點對佢就知啦！」

講起洪永城，又點可以唔提佢同翠如嘅關係？兩人一直被外間認為曾經係拖友，甚至當時一張拖手行紅地氈嘅相，更引起網民熱烈討論，指兩人先係天造地設嘅一對！估唔到連嘟嘟都非常好奇，自爆以前同翠如拍《Do姐去Shopping》時，得閒就會「盤問」對方：「有冇同洪永城拍過拖？出咁多次外埠，冇理由冇嘅！」就係翠如同洪永城Friend到實在令人懷疑，阿蕭都自爆話有問過翠如：「冇喎佢話，其實佢哋兩個係有啲介乎討厭對方…哈哈…但討厭得嚟又好啱Key！」

而嘟嘟再自爆，曾經私下問過洪永城同樣嘅問題：「佢話開頭嘅時候，有少少嘅…因為呢個女仔靚嘛，又白雪雪，但合作起嚟就唔得喇，成個男人咁喇，自此之後咁嘅感受完全冇晒，所以你（阿蕭）可以放心！」此時阿蕭就為老婆出頭：「佢又唔應該咁話佢（老婆），佢都唔係咩好東西，洪永城！！！」

嘟嘟笑言依家熱戀中嘅洪永城肥咗好多，隨即被阿蕭取笑做「肥洪」。而最後問到會唔會生B時，阿蕭就話順其自然，佢哋都鍾意周圍飛，當如果有小朋友，人生就要重新規劃！

麥明詩（Louisa）喺2015年拎到香港小姐冠軍後一直備受力捧，拍劇、節目主持，甚至喺大騷司儀統統都有佢份，不過佢喺當紅時期就話娛樂圈係好玩，但就越嚟越無安全感，覺得同世界脫軌一樣，所以佢就喺2019年11月棄做無綫親生女改簽一年一騷嘅「綠葉約」，仲做埋商業顧問工作，不過佢嚟緊將會復出拍劇。

復出頭炮並唔喺幫無綫拍劇，反而喺拍亞視一套30集網劇。今日有報道指今次新劇係由《金枝欲孽》、《天與地》前無綫神級監製戚其義主理，由亞洲心動娛樂（AMM）香港區副總裁林文龍親自出面問樂小姐借人，由於係網劇而唔係免費頻道所以同無綫無抵觸，樂小姐都大方放人，就連2019年港姐亞軍兼最上鏡小姐王菲都有份演出；而其他演員就包括黃又南、麥子樂、黃德斌、林耀聲、陳雅麗、黎紀君等，聲勢浩大，極具新鮮感。

麥明詩喺無綫最後一套劇集《殺手》演視障人士嘅演繹令人眼前一亮，仲得到伍詠薇出post大讚有意外驚喜同埋非常欣賞佢。麥明詩離開無綫後一直都令劇迷期待，監製戚其義向傳媒承認已邀請麥明詩復出，新劇將喺下月開拍；麥明詩接受訪問就話一直都好欣賞戚其義，監製承諾喺一個月內拍完，所以佢今次可以拎有薪假期同喺工餘時間參與拍攝，唔影響工作之餘仲可以keep到演戲興趣，表示好期待。

莫文蔚（Karen）為咗紀念出道25周年，2018年特別舉辦《絕色莫文蔚世界巡迴演唱會》，走遍40個城市進行巡唱，而香港尾站就原定喺上年舉行巡唱，但因為上年疫情關係延期至今年6月11日舉行一連兩場嘅紅館個唱。上星期《絕色莫文蔚世界巡迴演唱會香港站》海報終於曝光，Karen身穿華麗短裙，高舉手上咪高峰好興奮咁跳起，雖然官方話係模仿網球員抽擊嘅動作, 但一眾網民就覺得佢似百變小櫻或者係小忌廉多啲。其實Karen以前嘅演唱會海報都俾到唔少驚喜觀眾，而家就同大家重溫一下啦！

網民認為莫文蔚已經50歲，但海報嘅設計構圖、顏色，再加上穿搭風格都比較少女，所以網民都唔太滿意，紛紛留言話：「地獄Poster設計…」、「百變小櫻」、「勁似拎住支抹窗刮影相」、「張poster真心娘」、「天后跌左落凡間嘅感覺」及「張 poster⋯⋯係震撼嘅，以為係惡搞post」等等。

部分演唱會海報：