全民造星4｜《前傳》MV首部曲走日本校園風 方方企C位惹大細超之嫌
ViuTV選秀節目《全民造星》成功打造出人氣男團MIRROR同ERROR，節目話咁快就嚟到第四季，今屆最大特色就係全女班，節目將於11月1日開播。今次《全民造星IV》主題曲《前傳》MV以《2021夏の三部曲》為主題，hey dude分別有「造星の駅」、「女團の駅」和「始発の駅」，而首部曲「造星の駅」MV已經喺日前公開，雖然網民反應不俗，不過就惹嚟「大細超」之嫌。
「2021夏の首部曲：造星の駅」MV於香港獅子山公園棒球場取景，約三分之一參賽者登場，而女參賽者們均穿上日系風格嘅校服，整體感覺充滿日本校園風，唔少網民都大讚拍得好好、感覺非常熱血、估唔到香港都可以拍到呢個風格及好期待下一部曲。
相信大家都知道有幾位《造星3》嘅參賽者翻炒參加《造星4》，而方方（方芷欣）就係其中一個，佢喺首部曲MV有唔少大頭鏡頭，出鏡機會被其他參賽者多，而且仲要企「C位」領舞。雖然佢舞功了得，不過唔少網民就認為有「大細超」之嫌，MV導演Himtos係方方男友Tank嘅好兄弟dr martens boots，所以認為佢有偏幫「阿嫂」之嫌，更紛紛留言話：「又有方方 佢都唔唱得 跳舞啦」、「唔想再見到方方。。。仲要咁多大頭。。。」、「我淨係覺得好大細超，影黎影去都係果個，睇過既明就明」及「Center位點選出來？未比賽就揀哂C位 會不會對唔出名的素人唔公平？」等等。
下兩部嘅MV將會分別於今個月17日及24日發布，唔知到時MV嘅風格會唔會令網民驚喜呢？
