疑似被陳楨怡收兵 「港版李敏鎬」周子揚係西貢地王之子 同何傲兒分手反晒面
今日有報導話2020年港姐亞軍陳楨怡(Celina)疑似一腳踏兩船，對傳媒表示有信心同圈外男友、戴祖儀前度Andy白頭到老，但係Celina被爆同曾經加入TVB嘅周子揚拍拖年半，仲有一齊食日本菜同滑水嘅親密照流出。red wing boots周子揚對傳媒承認Celina係女友，自己係「正印」，又話女友同Andy分咗手。不過Celina回應「同周子揚係認識嘅朋友」，令周子揚疑似做咗女神兵仔！
家境唔錯嘅周子揚，本身外型條件唔錯，但係戀情冇段長仲「火羅」事連連，搞咩？！
今年37歲嘅周子揚，父親係人稱「西貢地王」嘅商人周業德，據講喺該區擁有多個物業，市值合共過億。唔憂兩餐嘅周子揚喺美國讀音樂，2009年正式出道加入樂壇，外型高大靚仔，曾被稱為「翻版王力宏」同「港版李敏鎬」，不過成績未見突出。2011年約滿後轉投TVB，但係演閒角居多，本來有機會演《衝上雲霄II》做陳法拉嘅見習機師同學，可惜因為割包皮而請假辭演，又試過被同劇嘅何雁詩「揞名爆」係NG王！
周子揚入TVB4年最大得著可能係識到何傲兒（現名何天兒）。2014年中，被指同富商林建名發展爺孫戀嘅何傲兒，轉個頭就被傳媒影到同周子揚行街拍拖兼咀咀。點知無耐何傲兒以「感情未ready，唔會再繼續下去。」單方面宣告分手，戀情14日玩完，周子揚同傳媒講起仲喊晒口。hoka shoes for women但係有傳佢地轉為地下情，甚至一齊去韓國，可惜拍拖年半後分手。「兒子戀」分手同樣搞出新聞，周子揚受訪時大爆何傲兒家姐何傲芝問佢拎每月六位數字生活費，又暗示何父俾壓力阻止，結果何氏姊妹同周子揚互相發律師信指對方言論失實。同何傲兒分手後，周子揚曾經被傳媒影到同疑似內地女子喺中環食麵拍拖。
離開TVB後周子揚曾經北上發展，同時又進軍金融界，近年創業發展手機應用程式，向才俊之路進發，點知因為一單緋聞又試被捲入娛樂版。
