粉絲強吻「楊冪」全城狂轟「楊洋」慘遭女粉解衫鈕

大陸花旦楊冪一直都係大眾女神，櫻桃小嘴配水汪汪大眼，唔少粉絲都想一睹伊人風采，不過楊冪長期飛嚟飛去工作，粉絲想追星都難，折衷嘅方法可以去蠟像館「睹物思人」，不過近日有位男子佢就對楊冪嘅蠟像做出不當嘅猥瑣行為，片段即在網上瘋傳！

影片中男子面對以《三生三世十里桃花》劇中扮相嘅楊冪蠟像，竟然嘟嘴湊近「楊冪」側臉，作勢要咀落去，畫面即引起公憤，大批粉絲痛批男子「太惡心」！

唔好以為女明星嘅蠟像會被人「騷擾」，大陸小鮮肉男星楊洋亦曾遭殃，曾經有位女網紅同佢個蠟像合照時，從後方撫摸蠟像胸膛，另一手環抱佢，其中1隻手更滑落西裝外套入面，並靠近「敏感部位」解開西裝鈕，場面令人咋舌。另亦曾有粉絲着婚紗向楊洋蠟像求婚。

全城最靚保母倪晨曦晒索爆三點式

全城最靚保母倪晨曦晒索爆三點式

網路上有幾十萬支持者的「IG女神」倪晨曦 (Elva)，樣貌標緻甜美之餘又擁有174cm模特兒身高，識教化妝又識教瑜珈，之前喺《全職媽媽放大假》中又大晒母愛！Elva早前為美容公司拍咗一輯泳衣廣告，近日又喺IG大晒旅行時的三點式靚相，不斷派福利，真係睇到小編同一眾男網民不行了！

倪晨曦泳衣廣告

Elva日前為一間美容公司拍廣告，廣告中換咗多個造型，最吸晴就當然係泳衣look！雖然Elva唔算係爆乳身材，但勝在九頭身Body勁fit勁均勻，一雙長腿非常養眼。佢喺泳衣又加上一件加大碼白恤衫，若隱若現更性感！

索爆三點式

Elva最近去咗墨西哥，參加一個好友的告別單身派對，連日來享受陽光與海灘，當然唔少得喺IG大派福利啦！見到着上三點式泳衣的Elva騎住吹氣獨角獸，大晒九頭身Body加甜美笑容，真係冇得輸！

全城最靚保母

Elva早前喺ViuTV節目《全職媽媽放大假》中充當七日保母，照顧一對分別2歲及3歲的兄妹，小朋友的起居飲食、返學放學、玩樂功課都要佢一手包辦，玩樂方面當然帶要兩個小朋友做瑜伽啦！Elva喺節目中真摯唔造作，對小朋友有愛心又有耐性，贏得觀眾掌聲之餘，連小妹妹都當佢係真媽咪！

就快三字頭

Elva現時喺IG有逾45萬個粉絲，另外在YouTube等其他平台亦是支持者眾多，「網絡女神」絕對係當之無愧。其實佢早在2005年，就以18歲之齡參選多倫多華裔小姐並奪冠，大學畢業後就返到香港多線發展，參與過大大小小的廣告和代言，教化妝又教瑜珈。此外，1987年出生的Elva原來今年8月就正式踏入三字頭，真係睇唔出！