Archie叫歌迷「慳啲」 Chantel開工冇錢落袋
《聲夢傳奇》學員完成比賽後周圍出騷兼拍廣告搵真銀，其中「國民初戀」姚焯菲率先彈出拍廣告，她與文凱婷都希望寓工作於「自肥」，公器私用！
5位《聲夢》學員姚焯菲（Chantel）、文凱婷、冼靖峰（Archie）、hey dude shoes詹天文及何晉樂，昨日到尖沙咀Mira Place出席《Gimme LiVe》音樂節9周年「RE-LIVE」活動，吸引大批Fans提早到場霸靚位，企滿商場4層樓，人氣爆燈！
談及比賽後工作不斷，剛開學的Chantel表示平日會專心返學，星期六、日才出騷。升讀大學最後一年級的文凱婷 則表示，因9月底才開學，目前仍可以全職歌手身份工作。
文凱婷想放肆買衫
最近Chantel接拍銀行廣告，問到出糧後最想做甚麼？她笑說不知道，會全數上繳父母：「我支出唔多，只係平時請同學食零食。（仲想拍咩廣告？）化妝品，因為成日用。」
而文凱婷笑言最想接眼藥水廣告，因日日開工戴Con戴到眼乾，又揚言會將收入儲起，因為忙到冇時間使：「好想放肆咁買衫，同埋學跳舞、寫歌、作曲，因為之後想嘗試創作。」
獻唱《櫻花樹下》的Archie自言來「平反」，hey dude因自覺比賽時唱得不好，提到去過不同大小場地演唱，是否已「免疫」不再緊張？他表示仍有少少，一響起音樂就會怯，投入演唱後就OK。他又表示很想舉行Fans見面會，齊齊食炸雞及打邊爐，又隔空呼籲Fans切勿破費應援，近日收到價值幾千元的造型大蛋糕，感覺心痛！
