Posts Tagged ‘ 劉倩婷 ’
今屆港姐以真人騷《We Miss Hong Kong STAY-cation晉級賽》進行賽事，入圍佳麗早前入住西貢一間酒店，在劉倩婷、張秀文、朱晨麗及馮盈盈等多位師姐帶領下參與各種挑戰，期間亦會接受師姐莫可欣、麥美恩、歐陽妙芝及李嘉慧各自安排的口才、Catwalk及Parade訓練，以及與黃嘉雯、謝嘉怡分享美容心得。
晉級賽會根據各佳麗在自hey dude我介紹、龍舟比賽、水上catwalk、水底攝影及畢業表演等任務的表現來決定去留，在無綫早前曝光的官方預告片中，張秀文告別要離營的師妹時不禁大哭。而首集內容是由多位師姐爭奪心水師妹，其中馮盈盈及張秀文激動得七情上面，相當搶鏡。
昨日係薛家燕兒子石耀庭與女友陳素怡(Zoe)結婚嘅大日子，家燕媽媽榮升做奶奶喇！
大家都好期待家燕姐着上招牌黃袍登基衫榮升做新奶奶，但早上家燕姐揀著奶奶褂興奮娶新抱，，開心到見牙唔見眼。榮升奶奶的她好錫新抱，豪送過百萬金器畀佢，當中包括兩對合共40萬的龍鳳鈪、巨型金豬牌、金鍊等，而酒席都係家燕姐包辦埋單，佢雖然未肯透露金額，但話娶新抱最緊要開心…
石耀庭早上先到尖沙嘴洲際酒店接新娘，下午在酒店進行證婚儀式，晚上在大禮堂設婚宴，筵開53席！榮升奶奶嘅家燕姐戴上玉器及金首飾，捧著金豬牌與一對新人合照！
為阿仔親自辦婚事的家燕姐，送樓送首飾、包辦兩場盛大婚宴等，夾夾埋埋豪擲4千萬娶新抱。而呢位超級奶奶的行頭十足，她身上一套翡翠頸飾、手鈪和指環，同新娘子一樣咁搶！
提到囝囝石耀庭（Jackson）和新抱Zoe早上敬茶令她感觸，她不禁眼濕濕，感覺終等到這一日，坦言下午簽紙儀式一對新人講誓詞一剎那更是喜極而泣，身旁的襯家都一樣，還自言只哭了兩次。
除了昨晚的婚宴，本月16日石耀庭會再搞派對，薛家燕話：「真係唔好意思，個仔今晚得一圍！」石耀庭續說：「係呀，所以只係請最熟嘅朋友嚟，16號會喺尖沙咀搞一個派對，請番自己嘅朋友，年輕人為主。」
一對新人晚上於尖沙嘴洲際酒店大禮堂設婚宴，筵開53席，家燕姐於圈中一向人緣好，到場嘅賓客都係份量十足，其中「七公主」當中蕭芳芳、陳寶珠、岑芝華、王愛明、馮素波齊到賀，一對新人向5位長輩敬茶。
一對新人石耀庭與陳素怡於台上發表感言，陳素怡首先感激父母及公公、婆婆，指自己儼如有兩對父母，一直獲他們愛護及照顧，即使自己性格任性也一一包容，當中婆婆由細睇到她大，又陪她到英國求學，每日教她中文，又給她煮飯，說到此時，素怡已淚流披面，耀庭見狀即為她遞上紙巾。
徐小鳳表示今晚是她出席最感人的婚宴，由頭到尾每一個字都好感動，特別是一對新人及薛家燕致辭，而她自己都一直抹眼淚，也見到薛家燕都開心到落淚！
佘詩曼出席婚宴時表示好戥家燕姐開心，她透露早前於白雪仙的壽宴中見到家燕姐，阿佘謂：「我嗰日都有問家燕姐，一日擺唔擺得晒，佢話要擺兩日，仲話阿仔投訴佢分得圍數少。」問到何時到她，她即笑住表示要開席閃走。汪明荃單拖到場，她表示：「因為老公羅家英到咗拉薩登台，今晚先返，應該嚟唔到，但家燕姐娶新抱喎，我一定要嚟啦！（送咩禮？）送現金最好，因為唔知一對新人鍾意啲乜嘢！其實今晚好開心，大家都知佢經歷唔簡單，又係單親媽媽，而啲仔女又咁乖，今晚佢娶新抱真係好戥佢開心！」
