老友關心 擊中要害 江美儀啞忍失婚痛 崩潰爆喊
離婚多年的藝人江美儀日前在其主持的節目中，hey dude被嘉賓兼好友單立文「反客為主」直問失婚感受，多年的傷痛似乎還未愈合，她當場失守、崩潰痛哭，自爆當時有苦無路訴：「樣樣嘢都係自己去吞晒！」
江美儀2018年宣布與男友吳君祥已分手兩年，未幾即被本報踢爆並非情侶分手，而是夫妻情盡，離婚收場，因他們早於2006年在美國西雅圖秘密註冊結婚。回復單身多年的江美儀一直低調少談失婚的傷痛，但日前與林盛斌主持無綫J2節目《Mean Talk》時，觸及失婚之痛，首度在鏡頭前崩潰爆喊。
與滕麗名一起擔任嘉賓的單立文，直問江美儀離婚的心情，並一臉心痛的捉着她的手，眼濕濕哽咽地說：「我哋真係好關心你，但又唔敢去騷擾你，驚會觸動你好多情緒，但又驚你頂唔順，覺得你承受好多嘢，唔會同我哋講。我覺得你點解咁傻、要孭起咁多嘢？同我哋講嘛，又唔係唔熟，你知唔知啫？」
單立文真情流露
面對好友的真情，江美儀既感動又感慨，邊哭邊說：「當時我都唔知可以同邊個講，有時兩個人相處，去到要離婚，未必係因為一件事發生咗，可能係好多嘢一直去積累，積累到直情令我覺得：我嘅人生係咪應該繼續落去？兩個人傾完之後覺得分開仲好啲，其實你哋知時，已經係好後，呢件事發生咗好耐好耐。」
江美儀續說其經理人指她不懂釋放，只有啞忍，她說：「樣樣嘢都係自己去吞晒，唔好見我咁tough（堅強），我都有人恰，我情願自己（搞掂）就算，skechers outlet其實表面好似好開心，但我唔係真係咁開心。」她又指因疫情致工作量減，在沒有寄託下，一度曾胡思亂想。
節目後眾人接受節目《東張西望》訪問，單立文說：「做朋友應該互相扶持，唔通落井下石？（本來都有計劃要攻陷江美儀？）我對燈火發誓，我單立文之前冇諗過呢啲嘢。」江美儀即搞笑說：「我知佢冇，因為佢冇咁好戲！」而滕麗名接力「補刀」：「係呀！佢個腦冇轉得咁快！」
