Posts Tagged ‘ 小背心 ’
「小背心」許靖韻（Angela）到電台為節目錄音，她表示早前參與湖南衛視節目《歌手2019》播出第一集，她以踢館歌手身份出戰，只得兩日時間準備，臨急臨忙揀歌和混音：「最後揀咗陳小春嘅經典歌《獻世》，我一直好鍾意呢首歌，係周杰倫寫嘅，難得有機會想上呢個舞台唱廣東歌。（點解會有呢個機會？）今年有新賽制係全面推選，我啲Fans好用力投票推舉我，我都好緊張，冇諗過有得參加！（滿唔滿意自己表現？）我同編曲人都盡咗力。（有咩期望？）好似係今季第一首廣東歌，希望大家鍾意呢個女仔版本。（鍾意參與呢類型節目？）令我短時間進步好多，好好玩好刺激。」
對於有指該節目的現場觀眾反應過分誇張，她表示現場見到的反應都很真實，但因太緊張沒有很留意，會再看看節目出街的效果。
楊思琦 於2001年港姐競選中奪冠，入行多年拍攝過多部劇集，現為一女之母，不經不覺今年8月便踏入40歲！不過「39+1」又有咩好怕？楊思琦今年推出首本個人寫真集《Miss Szeki 2018》，佢早前赴馬來西亞五日四夜取景拍攝，換上差不多20套靚衫，當中不乏小背心、泳衣、睡衣等性感造型！
楊思琦多年樣貌身材都keep得非常好，34D、24、34身材噴血依然，出名童顏的思琦仲係成個後生女咁，實在令人羨慕！思琦回覆傳媒時表示以前一直想推出寫真，為青春留倩影，不過以前在TVB時未有機會。剛巧有出版社早前搵佢，所以就一拍即合！
楊思琦又稱今次拍攝過程都頗為辛苦，因為要由朝曬到晚，幸好拍攝效果相當理想，攝影師將自己最靚、最自然的一面呈現出來。思琦同時強調寫真集唔係賣弄性感，而係以美感為主；另外亦有文字配合，跟讀者分享自己在不同階段的成長及內心世界。
楊思琦今次寫真集賣到幾多本唔係最重要，最主要係完成到一件自己多年來想做的事，而且寫真集扣除成本後的收益將會捐給慈善機構，可謂一舉兩得！
