留港過節 慢慢摸索 周秀娜恨拍拖 聖誕有靚仔陪
藝人周秀娜單身多時，因今年聖誕留港開劇，伊人在港，立即有追求者相約度佳節，她覺得每段關係首要有時間相處，今年難得在港，天時地利配合，有望吸引到一個好伴侶。
周秀娜（Chrissie）與形象指導馬天佑昨日現身中環時裝店當一日店長限定，2小時內為多位客人配襯服飾，Chrissie身穿低胸裝短裙配黑絲襪，身材Fit爆兼露出一雙煞食筷子腳，狀態大勇。她透露聖誕有兩劇開，因角色截然不同，擔心造型上會有很大分別，而其中一個角色需要打，故現正學武術。
以往聖誕例必出外度假，今年難得在港，salomon boots她準備好好布置家居和買聖誕禮物。問到第幾年單身過聖誕？她撒嬌說：「提呢啲做乜？」她認為聖誕在工作中度過是開心事，故講笑並非「單身」，因為有劇組陪，更讚劇中對手全都是靚仔。對於感情Dry足多年，她笑言只是因為轉天氣皮膚Dry到敏感而已，可用潤膚膏滋潤一下。
仲有好多追求者？
問到是否想與真命天子一同過聖誕？她才回復正經地說：「有當然好，要啱先得，自己唔強求，內心都想拍拖嘅，我好相信吸引力法則，希望吸到一個好嘅返嚟，不過自己一個人都好Enjoy。（聖誕有冇人約？）有人約！（係咪追求者？）唔知係咪追求者，朋友囉！其實好彩喺香港，大家有時間相處，唔想咁快講定，畀機會自己，可能仲有好多呢？」
