馬米高 & 梁朝偉
馬蹄露姪仔兼YouTuber馬米高，喺個人影片頻道已經教咗英文幾年，訂閱人數超過21萬。日前佢上載咗一條以「梁朝偉的英文夠拍Marvel？」為題嘅短片，評價影帝梁朝偉喺接受外媒訪問時嘅文法、用字及發音，不過佢喺片中多次強調偉仔只有中三學歷，結果引起部分網民不滿，紛紛留言聲討佢。
近日梁朝偉有份主演嘅Marvel電影《尚氣與十環幫傳奇》上映，nike sneakers而飾演「文武」嘅偉仔就馬不停蹄咁接受外國及本地媒體訪問。馬米高喺短片「梁朝偉的英文夠拍Marvel？」開頭就已經提到梁朝偉只有中三學歷，連就讀毅進嘅同學都讀書多過佢，仲話：「我哋就睇下佢啲英文點死！」然後佢就講自己做空少時，喺飛往北海道嘅航班上巧遇梁朝偉嘅經歷，仲話佢好有禮貌同講嘢好細聲，而自己亦好冷靜咁面對呢位巨星。
之後，馬米高就開始評價偉仔喺接受外媒時嘅英文文法錯誤，例如單數/眾數有冇加s及將「Deadpool」讀成「Deadpoo」等等，指偉仔嘅英文同好多香港人一樣都經常犯下錯誤。最後馬米高亦有讚偉仔話：「一個中三畢業嘅演員，英文可以講到咁樣，發音可以發到咁樣，其實已經好過大部分香港嘅大學生，其實你可以睇得出佢落咗好多苦功。」
雖然馬米高最後有讚偉仔，不過一班網民就認為佢太過尖酸刻薄同唔識尊重別人，覺得睇呢條片感覺唔舒服，例如「尖酸刻薄的傢伙，梁生有咁嘅成就，估計他讀三世書都比不上」、「都知你係想拍片做教學 但唔需要用咁嘲諷嘅語氣 就算我地係香港人 有時講廣東話都會錯文法 語言呢啲野 有自信溝通到就無問題 得香港人先會係咁捉人錯處 無限放大」、「人地讀到中三關你差事！你有無人咁有禮貌、成功同謙虛？你英文好勁咩？你自己都有口音，你自己唔知啫」、「嘩眾取寵，抽水呃view」、nike store「不知所謂⋯⋯話你吖」、「咪消費梁朝偉！」、「讓人感覺不舒服的標題，中三又如何，他是一個很棒的演員，電影裡的表現能讓人認同感動，受訪時又能表達自己的想法，還不足夠嗎？」及「Michael哥，我相信你嘅學歷一定高過梁朝偉，你的英文也說得好過他一百倍，但係你除咗識得彈佢之外，你有冇欣賞過人哋嘅努力呢？我想請問你依家又做緊啲乜嘢呢？」等等。
馬米高喺接受傳媒訪問時，佢就話短片嘅標題只係想引起大家嘅興趣，梁朝偉嘅英文「好過好多大學生」同夠用。佢話自己睇咗好多偉仔嘅訪問片段，先至可以整到一條大家成日犯嘅英文錯誤影片同大家研究。佢仲話呢條片嘅用意係鼓勵大家以梁朝偉作為榜樣，好好進修增值自己。
影片截圖
影片截圖
影片截圖
