Posts Tagged ‘ 林穎彤 ’
獎門人曾志偉突襲《#後生仔傾下偈》！佢獲安排坐喺馮盈盈同「波波」黃凱儀中間，原來志偉勁冧波波，佢仲自我介紹：「大家好，我係志偉，我係第一次來咁受歡迎嘅波波節目。」搞到波波面都紅埋，睇嚟佢係「後生仔」裏面最得寵嗰個！再問到志偉點解做TVB高層？志偉笑言：「因為有機會坐喺港姐冠軍同波波旁邊。」志偉點晒名，睇嚟波波有運行喇！
而去到林穎彤自己我介紹時，唔知係咪見到志偉特別緊張，佢以「我都係星夢歌手」介紹自己，即被志偉問點解要用「都係」，林穎彤話：「因為我算係冇人識嘅星夢歌手，我童星入行，喺亞視做童星。」連亞視都拎埋出嚟講，睇嚟佢真係好緊張。
「分手情侶」林穎彤（Bella）與伍富橋在新劇演情侶，後者最終情歸阮嘉敏，令她跪地痛哭，喊出3吋事業線！
無綫重拍經典劇《十月初五的月光》，日前林穎彤、伍富橋、阮嘉敏、羅天宇及胡鴻鈞等齊集開工，一對「舊情人」林穎彤與伍富橋演情侶之餘，更要拍結婚戲，可謂別有一番滋味！劇情交代政治婚姻之下，新娘被偷龍轉鳳，阮嘉敏成為最終「勝利者」，被遺棄的Bella慘爆跪地痛哭！
跑街冇咗忽肉
兩女不約而同穿低胸婚紗晒身材，Bella原來禾稈冚珍珠，為角色豁出去的她，穿高踭鞋在街上喪跑受傷，還跪地烏身爆喊，激罕晒出深長事業線，如此搏盡，相信已穩坐無綫小花之位。對於被讚身材好，她忍不住自誇：「呢件婚紗Cutting着到我好似有啲身材咁，哈哈！（同舊愛伍富橋拍呢啲場面，好深感受？）我哋係朋友啫！佢同嘉敏對手戲多啲，記得拍嗰時要着住高踭鞋跑，點知鞋踭篤到右腳，搞到流晒血，冇咗少少肉。」更指該場戲連拍兩日，加上要喪喊，情緒低落，完成後才放下心頭大石。
至於首次穿婚紗的嘉敏，笑言埋位前要節食：「件婚紗好緊，仲要飯後先拍，所以我只係食咗幾啖咋！好驚着唔落！場戲仲要同伍富橋Kiss，呢個係我螢幕初吻，真係好緊張，好在係蜻蜓點水。為咗呢個角色，我事前特登上戲劇班，亦有搵資深演員一齊研究劇本。」而伍富橋笑指支持自由戀愛，但就避談與Bella「結婚」的感受。
身在東京的大地，未因疫情影響好心情，在5月24日微博上公布和22歲女友結婚：「我結婚啦老婆是22歲的日本女孩HaRuNa（晴奈）謝謝大家一路以來的関心愿大家平安健康！ 」，並公佈女友肖像。有香港網友則指女友樣貌似香港女星林穎彤。
原島大地 戲如人生：再次戀愛
昔日《忘不了》童星原島大地15年後重返香港影壇，在電影《某日某月》第一次擔大旗、第一次有感情線、第一次在大銀幕裡和湯怡談一場遙距戀愛，說到愛情，原島大地面紅紅，說做人希望低調一點，不過還是不小心透露了透露廿歲仔之前只拍過一次拖：「唔係香港女仔，都唔係澳洲鬼妹，係日本人，puppy love，簡簡單單好pure，不過已經分咗手囉！」
靚仔又會打籃球，煲日劇煲得多，以為原島大地返學日常一定係打波有女高中生打氣團、平日不停收告白信、情人節打開locker肯定係被表白朱古力塞爆⋯⋯其實不然。
「咁多年，收過一次朱古力咁大把，仲要係全班男仔人人有份嗰隻⋯⋯告白信都收過一次，不過諗過考慮過，大家性格唔啱，都係拒絕咗佢。好多人睇日劇同漫畫睇得多，以為球場邊有好多愛情故事、球員成日同球隊manager係一對，我喺學校籃球隊、個manager都真係女仔，不過佢好專業喎。同埋練波次次放學都係匿埋喺體育館，根本就冇女學生做觀眾⋯⋯哈哈！」
原島大地續說：「所以我話我鍾意拍戲，今次拍《某日某月》真係好次拍咗第二次拖，不過呢次唔係好似上次咁單純，知道兩個人鍾意都未必可以喺埋一齊，原來現實會將兩個人拉遠、原來身邊會有人反對、原來就算再鍾意但係又不得不離開個感覺係咁，個心真係可以好痛！細個拍戲我根本唔知咩係演戲，去到片場就係玩、對白都係媽咪幫我背、教我唸，今次係我第一次喺戲中有感情線，第一次自己學識投入角色，去理解如果同鍾意嘅人分開感覺係點，感覺唔似係拍咗場戲，而係過咗一段人生、多咗一次心痛經歷。」
港女、鬼妹定日本妹，在澳洲、香港、廣州還有日本都生活過的原島大地則說，因為同聲同氣，還是最喜歡日本女孩：「我唔使佢好靚，最好係似我一樣好平凡、又好平淡，頭髮唔好太長又唔好太短、性格唔好太外向又唔好太內向，仲有一樣好緊要，做運動一定會加分。」
雖然成家立室言之尚早，不過聽原島說偶像是家庭事業都成功的劉德華、還有錫兩個女錫到燶的NBA球星Stephen Curry，就知道有朝一日，暖男原島一定也是個好老公、好爸爸！
