Posts Tagged ‘ 波波 ’
憑36E導彈谷出「駱駝峰」奇景的小花黃婧靈（波波），早前在無綫台慶成功搶鏡，被封為「無綫咪霸」。她在社交平台上載「峰」芒畢露行山親親大自然的相片，不過當中一張行山相都沒有，每張相片都是她托着頭。可能行山行得太累，惟有來一招托頭再將36E咪咪放在石枱上來卸力「減磅」ecco shoes，這個「壓死蟻」的場面令網民睇到「嘩嘩聲」，留言：「我想做張枱喎！」、「破壞公物！」波波留言：「出世到依家自願行山冇多過5次，到今次都唔例外。床褥磁石」。以「床褥磁石」來形容自己，喜歡瞓床多過行路，認真別樹一格！
獎門人曾志偉突襲《#後生仔傾下偈》！佢獲安排坐喺馮盈盈同「波波」黃凱儀中間，原來志偉勁冧波波，佢仲自我介紹：「大家好，我係志偉，我係第一次來咁受歡迎嘅波波節目。」搞到波波面都紅埋，睇嚟佢係「後生仔」裏面最得寵嗰個！再問到志偉點解做TVB高層？志偉笑言：「因為有機會坐喺港姐冠軍同波波旁邊。」志偉點晒名，睇嚟波波有運行喇！
而去到林穎彤自己我介紹時，唔知係咪見到志偉特別緊張，佢以「我都係星夢歌手」介紹自己，即被志偉問點解要用「都係」，林穎彤話：「因為我算係冇人識嘅星夢歌手，我童星入行，喺亞視做童星。」連亞視都拎埋出嚟講，睇嚟佢真係好緊張。
