Posts Tagged ‘ 波鞋 ’
不少人喜歡在淘寶淘山寨名牌，夠平嘛。而且不少店都聲稱貨品彷真度極高，令不少人都選擇博一鋪，結果卻苦了自己…
淘寶除了山寨貨，當然亦有很多「自家品牌」，衫褲鞋襪乜都有。不過理想與現實始終有點距離，一些貨品收到實物後根本不能用呀….
正所謂「人著衫唔係衫著人」，一件衫著得好唔好睇，有時問題並不是在於衣服本身，而是視乎你的樣子如何…
講粗口系列就係…唔講粗口都唔知有咩好講了…
入行18年的林峯事業一向順風順水，被無綫捧足15年的他，歌、視、廣告、商演及演唱會瓣瓣掂，除是御用一線小生外，更曾在無綫的《勁歌金曲頒獎典禮》中分別膺兩屆「最受歡迎男歌星」、三屆「亞太區最受歡迎歌星」，更摘下「金曲金獎」獎項。爆紅的他3年前以1億天價加盟英皇，主力開拓影帝路。
據知，近年在內地發展理想的他，3年前憑年賺逾2,800萬港元，登上福布斯中國名人榜第53位，其雄心已志不在影帝，加上其他藝人自立門戶成大趨勢，如香港的劉愷威、王祖藍及葉璇，台灣則有吳奇隆等。自組公司似乎已為成功藝人的指標，況且當家作主，除可擁有百分百話事權，可自己捧自己外，更避免分佣，全程賺到盡，故37歲的他打算跟英皇滿約後，立即開公司做老闆。據知，他傾掂多年來合作無間的音樂人鄧智偉做拍檔，更有意以雄厚財力簽有「錢途」的藝人，有傳其女友吳千語就是頭號目標，擺明要跟至愛女友「峯語同路，有福同享」。
不過林峯與英皇都是有情有義，縱使即將約滿，仍會保持良好關係。早前林峯在廣州舉行巡迴演唱會時，英皇為他打造全廣州最大的四面台，還加碼7位數字，為他訂製太空機械吊臂，讓他在離地30呎的高空中過空中飛人癮。他亦深明英皇無論在中、港或海外的人脈、資源俱佳，在「做生不如做熟」的大前提下，英皇不失為最佳合作夥伴，故林峯不排除日後和舊公司有長遠的合作計劃。
昨日聯絡林峯經理人霍汶希，她坦承林峯約滿在即，不再續約：「佢諗住自己做，佢想成立自己嘅工作室，但英皇依然同佢有好多合作，好似有幾部電影、電視劇，我哋之前幫佢主辦嘅世界巡迴演唱會都會繼續做，大家只不過轉咗一個合作形式。」
另外，近期忙於自組公司的林峯，除了忙到冇得搵千語BB拍拖外，就連去餐廳坐低食飯都冇時間。日前下午，戴Cap帽、穿短衫短褲的林峯於灣仔的健身室做完Gym後，獨自步出街頭上車，吩咐司機載他到附近餐廳。林峯快速買了雞飯外賣，然後在車上食完繼續開工。反觀千語BB日前工作後，即換上波鞋與朋友行街歎茶兼扮靚，唔阻男友發展鴻圖大計。
今天是李小龍的75歲冥壽，每年今日，世界各地都會在悼念一代巨星李小龍，在暢談他的生平往事，在緬懷他的光輝歲月。我們對李小龍的認識絕不陌生。然而，他的人生離不開有趣的數字：日打5,000拳、走2.5里路、開班每小時收250美金、用345秒KO羅禮士等。就讓我們從這些數字，去了解李小龍更立體的一面。
75周年
今日是傳奇巨星李小龍75歲冥壽，世界各地都有不少慶祝活動，紀念這位功夫片巨人的一生。而今日香港有Pop-Up店推出紀念波鞋發售，另外港台數碼台會以口述形式，於節目播放四套李小龍生前作品。
4哥
於美國舊金山東華醫院（Chinese Hospital）出生的李小龍，在五兄弟姊妹之中排行第4，婆婆是德國人，因此有1/4德國血統，他死時女兒李香凝才年僅4歲。
5000拳
學習拳法武功的人都知道「一日練，一日功，一日不練十日空」的道理，所以李小龍堅持每日練詠春5小時，跑2.5公里路，更會每日打足5,000拳，又可以連續做1,500下掌上壓。
6腳
出腳快是李小龍的標誌，究竟有多快？當年洪金寶曾與李小龍試招，洪金寶正想出腳時，李小龍的腳已到他的面前，據知李小龍1秒可以踢6腳，更能把一個身穿護甲的200磅壯漢踢飛20米之外。
400磅
講李小龍有幾勁原來都可以用數學化的講法，他一腳Sidekick可以踢穿45公斤重的沙包，大概有1600磅力。出拳就更利害，不要以為他鋼條身形無乜力水，小龍一拳可以打出400磅，泰臣咁大件頭就打到450磅力。
37名
小龍由小到大讀過不少學校，小時因頑童個性而頻頻轉校，既曾就讀尖沙嘴德信小學，又入過喇沙書院。有一年全班40人，居然考過37名。但講到打交就完全不同，一生中與300人隻揪都未嘗一敗。
2500本
練武之人當然要精通各門各派武學，才能集各家之大成，小龍亦收藏咗2,500本書，除咗大量哲學書，最多就是拳擊書，而西洋劍術書亦有200本，因此截拳道都是建基於功夫、拳擊及劍擊之上。
600度
李小龍並非完美無瑕，他不懂游水踩單車，更是一個四眼仔，有傳小龍有近千度近視，但普遍相信600度近視才是最接近現實，小龍沒有散光，當年到美國已佩戴隱形眼鏡。
275美元
幾經琢磨而創下的截拳道成為李小龍的標記，他當年在美國開班授徒，每小時就收取275美元學費，計及通脹，相當於今日的1,800美元，即等於每小時賺14,000港元，似乎拍得住現時的球星身價。
3個月
李小龍一生參與超過30齣電影，當年只有3個月大的小龍已經在《金門女》客串出鏡，到他6歲時，更以藝名李鑫拍了人生第一套電影《富貴浮雲》，而小龍這個名字更由《細路祥》作者袁步雲取名。
530萬
1971年李小龍返香港拍《唐山大兄》，電影於全港16間戲院公映，結果破紀錄收320萬港元，1972年的《猛龍過江》及《精武門》分別以530萬及443萬雄霸當年票房冠、亞軍寶座，《猛龍過江》更是首部電影破500萬票房。
345秒
《猛龍過江》入面最經典一幕小龍與羅禮士於羅馬競技場對打場面，小龍就用了345秒KO對手，而這組鏡頭有多個角度，更有主觀鏡等不同鏡頭呈現整個對戰畫面，堪稱動作電影經典。
26集
人人都知道李小龍在美國電視劇《青蜂俠》中飾演加藤，1966年4月30日與美國ABC電視台簽定合約時，原定拍攝30集，但最終只播映了26集，最後一集於1967年3月17日播出，小龍的加藤曾於《蝙蝠俠》電視客串三集。
100萬
1973年李小龍與華納兄弟合作拍攝《龍爭虎鬥》，當年美國票房達2,500萬美元，全球更勁收9,000萬美元，原本有片商開價100萬美金片酬勞，邀請小龍拍下一部戲，可惜他同年猝逝。
32年
小龍的32年短暫人生影響深遠，更是20世紀流行文代的重要標誌，2014年就被《時代》雜誌評選為全球十大偶像，與米高積遜、貓王、米高佐敦、約翰連儂、麥當娜、Coco Chanel、黑澤明、哲古華拉及瑪麗蓮夢露齊名。
香港與外國的波鞋文化差異小弟早年因屋企人嘅緣故可以移民外國，直至近年先至回流香港呢個彈丸之地。亦因如此，我亦有幸體驗到外國同本地波鞋友嘅分別，今日就講吓兩方嘅不同之處。
首先，外國嘅波鞋友係好樂意地share任何好野比身邊嘅人。佢哋明白到波鞋界其實係個好細嘅圈子，今日你幫到人，他日你有任何麻煩時（無論關唔關波鞋事） 都會好落意去幫你。上星期黑色YEEZYBOOST出嗰陣，我就聽到澳洲有單CASE係個買家抽中咗，不過去到個收銀處俾錢先發覺帶唔夠錢！有個三唔識七嘅人行埋去同佢講我幫你比，對鞋你照keep，呢幾日內過返錢比我就得㗎啦。兩位因此而做咗朋友，鞋主亦係同一個波鞋group裡面點名讚揚佢嘅行為。 嘩！比著你喺香港，前面或後面嗰個仲唔水你讓個quota比佢！我本人亦受益過呢種所謂嘅「HOOKUP文化」，不過喺香港就少之又少。
另一樣，就係大家都會好樂意地share下自己嘅collection之餘，亦會尊重大家嘅不同之處。所以你會好容易搵到專儲NIKE SB嘅Collector，又或者係買法國製造嘅adidas Superstar嘅收藏家。佢地唔只會影相擺上網仲會攪大型party，同埋其他Collector一齊當嘉年華咁玩！雖然近年香港已經出現類似嘅活 動，不過係外國十幾年前已經有。
其實香港同外國嘅波鞋友最大嘅分別，就係外國波鞋友大多數都係由細到大都鍾意波鞋，同埋任何牌子任何款都會買！佢哋亦會特別對鞋款本身嘅歷史同周邊嘅趣事有興趣，務求清楚佢哋著腳上嘅鞋款起源同設計師係邊個。但近年香港嘅波鞋文化就有少少歪曲咗，無端端多咗好多所謂嘅「波鞋友」出現，講到自己幾鍾意幾鍾意波鞋，但連MICHAEL JORDAN係邊個都唔識，指住對AJ就話係GD對鞋。嘩大佬，我係MJ都比您嚇死，真係唔識就做吓功課先至出嚟獻世啦。
眼見現今香港嘅波鞋文化已經比鄰近嘅國家超越同埋炒賣都日益嚴重，有時會諗係香港做個波鞋友都幾慘。亦因為咁先至會成立Sneaker Haven HK，就係要喺波鞋嘅知識上著手，希望可以培養返啲好嘅SNEAKERHEAD嘅出現。
小弟遲啲會繼續介紹多啲波鞋嘅周邊小知識比大家，未來嘅日子請大家多多指教。
