劉德華新片《紅毯先生》演過氣港星 同「侯賽因」31年後再次聚頭
內地導演寧浩新作《紅毯先生》日前於深圳舉行開鏡儀式，電影一眾主角包括劉德華，演員瑞瑪席丹、單立文、劉漪琳等都有出席！《紅毯先生》講述過氣香港明星為咗咸魚翻生，與某國內大導演合作影片《鄉村教師》。他深入農村體驗生活，卻因為傲慢引發了一系列不可收場的鬧劇。swarovski jewelry最終，他頓悟待人真誠才是最珍貴的品質，他的生活也隨之轉變重拾美好。
劇情中提到嘅《鄉村教師》，有可能係指劉慈欣嘅同名小說。個故事喺2019年被導演改編成黃渤、沈騰、徐崢主演嘅《瘋狂的外星人》，《紅》可能會有戲中戲？據聞戲中嘅過氣明星叫「劉偉馳」，角色會唔會集劉德華、梁朝偉、周星馳特色於一身？不過肯定角色係為劉德華度身訂造！
暫時電影保密功夫做到足，最終《紅》角色叫咩名、有無外星人就要等官方公佈先知。不過內地觀眾對套電影好期待，因為導演寧浩2006年憑劉德華的「亞洲新星導計劃」中得到300萬資助，拍咗套當年爆冷大受歡迎嘅《瘋狂的石頭》。戲內仲多次用咗劉德華嘅《忘情水》做配樂，不過2人無真正合作過，事隔16年終於首次走埋一齊，合作新片《紅毯先生》！
而另一驚喜就係電影有「豹哥」單立文，佢喺1990年《賭俠》嘅角色「侯賽因」同劉德華飾演嘅「刀仔」非常經典，事隔32年後再次合作，難怪觀眾咁開心！
不過細心睇睇個主演名單，位位都唔係內地演員，除咗劉德華及單立文外，參演女星劉漪琳為澳門演員，曾經參與過《骨妹》、《過春天》演出，近期同《 屍殺片場 》red wing shoes男主角濱津隆及陳漢娜合作日本片《 二人小町 》。
另一女角則為台灣混血女神瑞瑪席丹，旅行節目主持、模特兒出身嘅瑞瑪，演戲資歷雖淺，不過2017年憑處女作《強尼·凱克》獲得金馬最佳新演員獎後，旋即有份參中美合拍由《和平使者》、《F9》John Cena主演嘅動作驚悚片Project X-Traction！
雖然Project X搵咗喺內地、美國都好有知名度嘅成龍大哥監製及主演，可惜因為疫情關係映期一推再推，遲遲未有公映日期。素來都知成龍大哥有「點石成金」嘅超強運，希望《紅毯先生》拍攝順利，可以如期下年上映啦！
