東方昇突襲音樂噴泉 7千人睇直播出浴 被插捽梘液跣細路
「100毛」的東方昇向來語不驚人誓不休，殺出新血路，最近耗資逾5,000萬元興建的觀塘海濱音樂噴泉咁Hit，佢帶齊架撐去朝聖，話想試吓個水力，最後搽晒梘液未沖身就要走……
撰文:東方新地 圖片:100毛直播截圖
東方昇實地考察
政府耗資半億建成的觀塘海濱音樂噴泉於4月22日正式啟用，東方昇想早去早享受，帶住東女郎同沖涼用品前往，仲話要實地沖個涼，試吓噴泉水力夠唔夠勁。
東方昇進入忘我境界
現場有很多小朋友在玩水，東方昇的加入令現場氣氛變得高漲，東方昇更邀請小朋友為他擦身，又分派沖涼用品及玩具泡泡槍與民同樂。
東方昇吸引7千人睇直播
東方昇音樂噴泉當浴場，仲即場直播如此破格，吸引逾7千人睇，網民邊睇邊笑，不過亦有人鬧他冇公德心。
東方昇被驅趕
東方昇玩了大約十分鐘，滿身梘液都未洗得清，有康文署職員現身指他不能在噴泉當眾沖涼，東方昇與對方爭論，表示個噴泉自己有份出錢起，這時亦有在場市民不滿東方昇身上的梘液會跣親小朋友，東方昇見好就收，才決定離場。
