《萬千星輝頒獎典禮2021》提名名單出爐 邊個係你心水？
《萬千星輝頒獎典禮2021》將於2022年1月2日舉行，而提名名單啱啱新鮮出爐。今屆觀眾有份參與投票嘅項目包括：最佳男配角、最佳女配角、最佳男主角、最佳女主角、最受歡迎電視男角色、最受歡迎電視女角色及最佳劇集等，以下就係大家比較關注嘅項目入圍名單，唔知邊位主持、演員或劇集係你嘅心水呢？
最佳男配角
46位提名人選當中，相信佢哋嘅演技都得到大家認同。喺剛剛記者會上，有份公布提名名單嘅張振朗就支持劇集《換命真相》中朱敏瀚Brian。2020年brooks shoes憑劇集《反黑路人甲》獲得「飛躍進步男藝員」獎嘅朱敏瀚，入行多年可以話今次男配角獎項係非佢莫屬。佢嘅競爭對手包括《陀槍師姐2021》洪永城、《愛美麗狂想曲》何廣沛、《七公主》徐榮及《星空下的仁醫》羅子溢等，唔知大家又想邊位男演員拎呢?
最佳女配角
喺34位提名名單中，有新晉上位小花，亦有演出經驗豐富嘅綠葉女演員，包括《寶寶大過天》商天娥、《智能愛人》馮盈盈、《換命真相》蔣家旻、《十月初五的月光》姚嘉莉及《拳王》賴慰玲等等。港姐出身嘅馮盈盈，初出道時被指演技浮誇，懶音問題導致咬字不清。到前排於熱播劇集《智能愛人》中，盈盈收起以往浮誇演技，亦努力訓練咬字，令到唔少觀眾睇到佢演技進步，個人形象亦開始得到大家歡心。唔知佢有冇機會呢？
最佳男主角
在31位提名男主角中，唔少網民都留言支持陳展鵬及馬國明。馬國明喺過往15年間被提名過足足12次，可惜連續11年與「最佳男主角」擦身而過，直到2019年成功clarks shoes uk憑劇集《白色強人》奪獎。對於今年馬國明雖然於劇集《寶寶大過天》冇太大嘅角色突破，不過因為馬國明實在人緣甚廣亦少負面新聞，所以一直都係被外界睇好嘅「最佳男主角」。
最佳女主角
今年「最佳女主角」提名名單多達35人，包括《陀槍師姐2021》宣萱、《七公主》林夏薇、《智能愛人》李佳芯及《刑偵日記》黃智雯，而大熱嘅正正係參演劇集《星空下的仁醫》嘅鍾嘉欣。今次佢喺《星空下的仁醫》飾演醫生專業壓場感十足，演技比以往更加細膩。劇中拍攝無論身為醫生及一位媽媽，佢嘅表現都大獲好評，絕對係今屆嘅大熱人選。
最佳劇集
喺20多套提名劇集裡，總有一套係你嘅心水，當中包括《伙記辦大事》、《逆天奇案》、《智能愛人》、《十月初五的月光》及《拳王》等等。今年嘅大熱就係台慶劇《星空下的仁醫》，今次劇集拍攝非常認真，更係實地取景，而演員陣容亦非常華麗，由鄭嘉穎、馬國明、羅子溢、鐘嘉欣、周家怡及龔慈恩等人主演。
