Posts Tagged ‘ 舊愛 ’
台灣舞王羅志祥（小豬）谷底反彈，於元旦日（1日）在花蓮為跨年騷表演，引起不少網友熱議。然而，被捲入小豬與周揚青風波的愷樂，銷聲匿迹後，被爆將嫁給醫生做人妻，但她是否能像小豬一樣重返娛樂圈也令不少網民好奇。不過曾與愷樂拍過6年拖的歌手K. Swo接受訪問時，被問到愷樂有沒有可能復出，他以朋友的角度坦言：「從我認識她（愷樂）開始，她就很容易被外人說的話影響，所以不太可能回來，先前愷樂也告訴過我，她現在過得很好！」他還透露愷樂先前有做投資和儲了一些老本，生活算過得去。
「分手情侶」林穎彤（Bella）與伍富橋在新劇演情侶，後者最終情歸阮嘉敏，令她跪地痛哭，喊出3吋事業線！
無綫重拍經典劇《十月初五的月光》，日前林穎彤、伍富橋、阮嘉敏、羅天宇及胡鴻鈞等齊集開工，一對「舊情人」林穎彤與伍富橋演情侶之餘，更要拍結婚戲，可謂別有一番滋味！劇情交代政治婚姻之下，新娘被偷龍轉鳳，阮嘉敏成為最終「勝利者」，被遺棄的Bella慘爆跪地痛哭！
跑街冇咗忽肉
兩女不約而同穿低胸婚紗晒身材，Bella原來禾稈冚珍珠，為角色豁出去的她，穿高踭鞋在街上喪跑受傷，還跪地烏身爆喊，激罕晒出深長事業線，如此搏盡，相信已穩坐無綫小花之位。對於被讚身材好，她忍不住自誇：「呢件婚紗Cutting着到我好似有啲身材咁，哈哈！（同舊愛伍富橋拍呢啲場面，好深感受？）我哋係朋友啫！佢同嘉敏對手戲多啲，記得拍嗰時要着住高踭鞋跑，點知鞋踭篤到右腳，搞到流晒血，冇咗少少肉。」更指該場戲連拍兩日，加上要喪喊，情緒低落，完成後才放下心頭大石。
至於首次穿婚紗的嘉敏，笑言埋位前要節食：「件婚紗好緊，仲要飯後先拍，所以我只係食咗幾啖咋！好驚着唔落！場戲仲要同伍富橋Kiss，呢個係我螢幕初吻，真係好緊張，好在係蜻蜓點水。為咗呢個角色，我事前特登上戲劇班，亦有搵資深演員一齊研究劇本。」而伍富橋笑指支持自由戀愛，但就避談與Bella「結婚」的感受。
組合Super Girls成員Aka（趙慧珊）被狗咬傷。Aka的緋聞舊愛吳業坤回覆東網：「我都係睇到佢喺社交平台先知，見到佢打晒成個過程出嚟，好似冷靜咗知道發生咩事，我相信佢冇乜大礙，希望個傷口可以復原得好好。（你有冇打話慰問佢？）我冇特登搵佢或者安慰佢啲乜，唔係話冷唔冷血，只係見到佢都清楚交待發生過程都安心嘅，佢應該消化咗件事，如果再去提佢或留言好似冇乜意思，如果第一時間知佢發生呢件事，我幫到就會幫，但件事已經發生完，佢自己已經處理晒，冇謂特登問候，好似騷擾佢咁。」
