拍到談婚論嫁先飛佢係咪好賤？
同女朋友拍左六七年，見哂家長，同佢啲朋友熟到爛咁滯，而家我三十五歲，佢三十歲，事業感情都好成熟，佢已經三日唔埋就催我結婚，但我唔知點解覺得好大壓力，好唔想結婚，唔係話唔愛佢，但硬係唔想對住一個人一世，俾結婚呢樣野cool住自由，而且好話唔好聽，女朋友都三十歲，已經冇以前咁靚，而我三十五歲，係男人最fit既階段，點解我唔搵啲十幾二十歲既女仔？如果我就咁結婚咪浪費哂我咁多年既努力？
近排仲識左個二十歲女仔，卜卜趣，身材fit到漏，所以借D意話想坐我架車，我未敢約佢，同女朋友一齊果陣良心又會責備，但番到屋企我又好心癢，同個女仔keep住聯絡…
唉，我真係覺得自己未玩夠，但女朋友好似已經注定想嫁俾我咁，飛佢呢個念頭出現係我個腦愈來愈頻密，但我又唔想咁賤，唉，真係好煩惱
