短髮唔係人人都carry到！邊位女藝人短髮造型出事？
一個啱自己嘅髪型除咗顯瘦及減齡之外，仲可以令人充滿自信，相反嘅話會令顏值大減。為咗帶畀觀眾新鮮感或工作需要，藝人經常轉換髮型是常識吧，不過清爽短髮真係唔係人人都carry到，而家就同大家睇下邊位女藝人因短髮造型而出事啦！
陳法拉
陳法拉憑Marvel電影《尚氣與十環幫傳奇》成功打入荷里活市場，brooks shoes被網民大讚古代長髮造型充滿仙氣。一向留長髮嘅佢要去法國拍攝一套美劇，而劇中角色係需要剪走長髮，佢近日就喺社交網站上載及肩短髮近照，不過網民就唔多buy，話佢將髮型剪到一忽忽，都係長頭髮比較啱佢。
江嘉敏
「宅男女神」江嘉敏（Kaman）日前為新劇《四十二章經》犧牲長髮，配合造型去剪咗一個男仔頭短髮，麻甩味甚濃。雖然Kaman全新短髮造型好有新鮮感，不過就嚇親唔少網民，仲話佢已經崩壞。
高海寧
近年高海寧（高Ling）都以及肩短髮示人，上年佢收起性感女神形象，為劇集《七公主》角色顧青桐剪短頭髮及紮胸上陣，女人味盡失。
鍾嘉欣
鍾嘉欣喺劇集《老友狗狗》戴上黑色眼鏡，clarks shoes uk及以短髮形象示人，點知就被網民指佢同吳尊好似樣，仲令佢獲得「女版吳尊」呢個稱號，不過呢個髮型就令佢仙氣大減。
鍾欣潼（阿嬌）
鍾欣潼（阿嬌）上年喺小紅書拍片分享愛用物，期間以一頭清爽短髮亮相，不過網民就似乎唔太鍾意呢個髮型，指佢星味盡失及似「居家大媽」。
鄧佩儀
鄧佩儀（Gloria）曾為劇集《幕後玩家》 及《再創世紀》等剪超短髮型，雖然睇落係好清爽，不過就冇晒仙氣。
薛凱琪
薛凱琪（Fiona）喺出道初期為劇集《學警雄心》剪短頭髮，不過就被網民話佢條頸好長，好似「長頸鹿」。
