胡定欣陳展鵬同場開P破冰
視后胡杏兒近日由內地返港，除了與老公李乘德拍拖及相約好友敍舊外，身為廿四孝媽媽的她日前又為大仔Brendan開派對慶祝4歲生日，邀來多位圈中星級父母參與，包括蘇永康夫婦、陳展鵬與單文柔、keen shoes羅力威與雨僑及陳敏之等，相當熱鬧。
今次「胡說八道會」一班姊妹終於齊人，李施嬅、黃智雯、姚子羚、胡定欣及胡蓓蔚都有出席，當中胡定欣再度與曾傳不和的緋聞舊愛陳展鵬及其太太單文柔同場，雖然未有同框合照，但其實早已沒芥蒂，正式破冰！
熱播劇《城寨英雄》日前一幕刁蘭(胡定欣)於擂台上喪抽牙佬(袁偉豪)水，笑位爆燈！該劇監製文偉鴻於fb上載刁蘭摸牙佬胸相，小牙佬疑似動L，真係好立體喎！
刁蘭喪抽水
就係呢幕刁蘭於擂台上假扮木蘭花妹同牙佬對戰，刁蘭單挑牙佬變挑逗牙佬！刁蘭先磨牙佬心口，又從後攬實兼揸對方胸肌，之後又成塊面貼實牙佬pat pat，雙手又纏住牙佬下身唔放！最後施展老樹盤根夾實牙佬，得拳佬(陳展鵬)之助雙雙被撞飛落台，同牙佬咀足五秒，刁蘭得米後笑得好甜！
定欣讚偉豪好好摸
日前眾演員宣傳《城寨英雄》，提到擂台抽水一幕，胡定欣指袁偉豪好好摸、好立體，仲大讚對方好靚仔：「姨媽姑姐個個都好冧阿Ben！」問會否覺得尷尬，袁偉豪笑言：「好榮幸可以俾定欣摸！從影以嚟最優惠嘅一場戲，好開心，到依家都仲記得。」
小牙佬疑似動L
《城寨》監製文偉鴻於fb上載兩張刁蘭同牙佬排戲相，刁蘭從後摸牙佬胸肌，表現興奮開心到O嘴，牙佬雖然表面好鎮定，但小牙佬疑似動L，果然身體係 最誠實！對此，梁烈唯、陳敏之(Sharon Chan)及其他網友，亦懷疑小牙佬睇落有反應喎，不過，大家都認為刁蘭咁正，有反應好正常！
全文完
現實中係情侶，呢晚又奪得螢幕情侶獎項嘅蕭正楠同黃翠如入場時被棒打鴛鴦，男方有香香公主相伴，女方就拖實洪永城現身，不過冇相干啦！