候選港姐爭「最上鏡」 陳聖瑜賽前「單眼」 跌出冠軍之選
進身港姐決賽的熱門佳麗陳聖瑜賽前生眼挑針，昨日以「獨眼龍」造型會見「最上鏡小姐」評判團，大為失色！至於關楓馨、宋宛穎和王嘉慧獲觀眾認定最有冠軍相。
《2021香港小姐競選決賽》將於本月12日舉行，12位佳麗昨日在將軍澳一間酒店會見「最上鏡小姐」評判團，大熱的陳聖瑜臨近決賽卻生眼挑針，ecco shoes左眼包着紗布亮相，相對失色，她表示：「做咗手術放膿，驚細菌感染所以包紗布。（擔心影響決賽表現？）唔擔心，醫生話大概一星期就好番，應該趕得切。（驚見評判會扣分？）擔心，但係冇辦法，惟有逆來順受，希望決賽有好狀態。（有冇信心入3甲？）要睇當晚發揮，希望穩穩陣陣。」
宋宛穎瞄準后冠
活動上，大會公布「競猜誰是冠軍」的3強佳麗是關楓馨、宋宛穎和王嘉慧。關楓馨直言感到意外，同時覺得打了一支強心針，問到可有信心戴后冠？她說：「平常心，做好自己先。決賽有好多跳舞環節，自己唔叻，依家每日苦練。（少咗陳聖瑜做勁敵？）唔會，佢好快冇事。」
至於宋宛穎與王嘉慧直言以冠軍為目標，宋宛穎說：「可能準決賽大家睇到我口才嗰部分攞咗100分，所以多咗人支持。」而王嘉慧希望不會辜負觀眾支持，同時擔心陳聖瑜的情況，希望不會影響到決賽的表現。
安排歌神華麗登場
今年港姐大會在一廠外的停車場搭建了華麗場景steve madden shoes，讓「歌神」張學友獻唱。面對颱風有機會吹襲，高層曾志偉透露會事先進行錄影，若打風不成就會繼續現場演出，並承認是他親自邀學友演出，對方亦爽快答應。至於提到C君升任J2創意總監，他表示：「冇乜大不了，嚟緊J2台會有好多調動，佢一向諗埋啲奇奇怪怪嘅嘢。」問到《#後生仔傾吓偈》是否由他叫停？他說：「點講都冇所謂，舊模式大家睇得太耐，有需要轉一轉，佢哋班人都成熟晒，入咗唔同節目。」
