Posts Tagged ‘ 陶大宇 ’
陶大宇憑翻唱《倒轉地球》人氣翻爆，前晚《東張西望》播出大宇的訪問，期間唐詩詠突入，兩人久別重逢立即興奮相擁兼合照，提到兩人早於17年前曾合作劇集《心花放》演兩兄妹，詩詠一度眼濕濕。
其後，「大小姐」林淑敏和「送水輝」許家傑亦入鏡，以大宇的招牌台風「水撥式揮手」大唱《倒轉地球》，林淑敏更大讚當年與大宇合作零架子，常樂意跟新人分享演戲經驗。red wing boots大宇表示有看《愛．回家》，許家傑趁機力邀大宇客串，大宇即答應：「好喎，睇下乜 角色，但係我要畀你（林淑敏）鬧。」林淑敏再笑指：「你依家收得咁貴？」大宇表示：「打個折啦！」更祝《愛．回家》可以播過萬集。林淑敏和許家傑更在社交網晒跟大宇合照，不少網民留言表示期待謂：「倒轉龍家」、「想睇大宇哥俾大小姐篤魂精」等，相當搞笑。
其實娛圈又點止周永恒、陳山聰、陳浩民等十位賤男，所以《新地網》再嚟賤男系列第2擊，同大家睇吓仲有邊8位賤到無倫嘅負心漢，準備定雞蛋掟佢哋喇！
當年肥姐沈殿霞介紹鄭少秋拍電影，事業上確實幫秋官唔少，兩人同居十年後結婚。到1987年欣宜出世，兩人卻戲劇性地於一年後離婚。有傳言稱，沈殿霞懷孕期間鄭少秋已經搭上官晶華，因此佢一直被指係負心漢！而肥姐於2008年同癌魔搏鬥，留院期間，身為前夫嘅鄭少秋鮮有探望，連喪禮都缺席，遭指摘無情！於肥姐追思會上，視肥姐如妹嘅鄧光榮，怒轟秋官未盡父親責任，批評佢點解於肥姐離世前後都冇現身，又唔理欣宜感受，命令佢上台解釋，令追思會驟變家事法庭，氣氛尷尬。
「地上最強小三」楊子晴
大波舊相好陳心瑩
台灣音樂才子陶喆今年年中被爆出軌，偷嗒「地上最強小三」楊子晴，陶喆求台灣正印江佩蓉原諒，以為佢會改過自新，點知又被揭帶爆乳女返家斷正，原來小四係26歲、曾露兩點演出情慾片《3D肉蒲團之極樂寶鑑》嘅34E台灣奀星陳心瑩，陶喆與陳心瑩於酒吧中狂歡，兩人飲得酩酊大醉，有指陳心瑩同陶喆係舊相好，五年前更同陶喆秘戀！短時間內兩受打擊嘅正印江佩蓉雖然嬲爆，但事後竟同陶喆和好如初！
台灣型男阮經天(小天)同女友許瑋甯拍拖8年，期間男方緋聞不絕，身邊女伴換不停，舊愛Joanna曾大爆小天性史，指佢床上耐力驚人之餘，又有性癖好！而5年前小天被爆帶女到酒店開房，曾傷透女友許瑋甯，幸最終箍煲成功。不過，小天去年接拍電影《暴走神探》時，被傳暗撻23歲內地女星、「謀女郎」周冬雨，女方曾剖白喜歡小天，早前二人到意大利拍新戲，許瑋甯事後發現小天劈腿蛛絲馬迹，佢唔再啞忍，主動提出分手，8年情就咁玩完！
馬德鐘素有「花旦殺手」稱號，先後跟郭可盈、陳慧珊、佘詩曼、郭羨妮等傳緋聞，爛蒲爛玩，多年來玩女無數，曾氣得老婆攜子出走法國，豈料06年竟趁一支公冇王管，拖秘密情人Katherine遊埠偷情，Katherine姓彭，當時同馬德鐘夜蒲邂逅，明知佢有妻有兒，仍甘願搭上隨傳隨到，關係一直維持約兩年，至遊泰斷正、馬德鐘太太回港一段時間後才被迫斬纜，而馬妻張筱蘭最終仍重投老公懷抱！
一講「車震」，應該冇人會唔記得梁榮忠呢位一代賤男，有索女友鍾麗淇嘅忠仔，05年11月被指經常車出車入多位女藝人，並且態度親暱。起初梁榮忠加以否認，直到狗仔隊影到佢以汽車載送朱慧敏到柴灣僻靜處並喺車上有親密行為，即被傳媒冠以「世紀賤男」稱號，事件令佢聲譽破產，幕前工作近乎零。
一代師奶殺手最後都係因為偷食而搞到身敗名裂！陶大宇同拍拖多年嘅太太黃寶慧搞離婚，當年盛傳介入做第三者嘅就係「狐妮」郭羨妮，大宇為咗呢段情放棄大好形象，成為負心賤男，可惜最後都分手收場，最離奇係大宇曾再翻撻前妻，過住「兩公婆」嘅生活，更加衰到o趙完唱，笑郭羨妮係娛圈蕩花，呢啲反轉豬肚，各位女士，認清呢種賤郎喇！
溫兆倫臭史甚多，最經典係96年同陳梅馨離婚時聲稱對方有外遇，向法庭申請要陳梅馨賠10萬補償，又食又拎令溫生喺香港人氣插水，轉戰大陸多年後，返港發展又搭上郭羨妮，呢段感情亦都喺所有人唔睇好嘅情況下結束，「狐妮」亦被一沉百踩。黐過呢位「賤男」嘅，都睇嚟絕冇好下場。
林文龍一直被傳扮好仔，實質經常偷食，蒲玩多過工作，靠老婆郭可盈養成頭家，結婚多年屢傳婚變。09年5月被踢爆偷食內地女星董維嘉，被人影咗相之餘重有一段疑似林氏夫婦嘅電話錄音。兩人開晒記招澄清，之後可盈大肚，卻傳出文龍豪賭輸錢50萬。又嫖又賭，呢種賤男點幫？
