Posts Tagged ‘ 麥美恩 ’
劉佩玥、麥美恩和黃庭鋒為《傑出小童星嘉許典禮》擔任頒獎嘉賓；正忙於拍劇的張振朗也專誠過錄影廠、親自向奪得「最有默契拍檔獎」的侄仔張鈞睿頒獎。麥美恩在劇集《智能愛人》中的小拍檔徐嘉謙贏得「秒速變臉王 」；而在《把關者們》飾演劉佩玥和黃庭鋒兒子的何珀廉奪得「最具層次演技獎」。
劉佩玥表示跟何珀廉上了契，因對方是自己在演戲中的第一個兒子，且令她母愛大爆發。她大讚契仔學業及課外活動皆成績優異，既叻仔又懂得分配時間。麥美恩則指小演員演技精湛，過多十年就是他們的天下、自己「冇定企」。
笑指現在的小朋友如此厲害，會否嚇怕不敢當媽？劉佩玥即表示不會，反而能生個咁叻的小朋友會很開心。麥美恩就搞笑道：「我唔想生多個麥美恩出來呀，無謂生多個麥美恩男女版出來嘈爆及污染染地球！」
藝人馮盈盈與麥美恩出席活動宣傳劇集，前者自爆趁着拍攝昏迷戲時爭取時間休息，相當「入戲」。至於麥美恩練習一場跳舞戲，期間出動威吔協助拍攝將整個人倒吊，賣力演出。
馮盈盈、麥美恩及李佳芯（Ali）等，ecco shoes昨日出席無綫劇集《智能愛人》宣傳活動，吸引大批途人圍觀。盈盈與麥美恩談到今次合作時，慨嘆只得幾場對手戲，前者又自爆拍攝昏迷戲份時，「入戲」到真正熟睡：「呢啲係方法演技，不過我瞓覺冇鼻鼾聲，冇影響到拍攝。（瞓咗幾耐？）唔記得咗！」
跳舞戲出動威吔
而麥美恩談到與Ali合跳椅子舞，她開心表示：「拍嘅時候我都覺得可能會成為話題，點知真係爆咗！多謝大家留意。拍之前我哋練咗個幾鐘咋，老師讚我哋快Pick up。有鏡頭要出動威吔，將我成個人倒吊。」提到早前九點半劇集時段收視低，《智》劇成功令收視反彈，問會否希望開拍續集？盈盈說：「梗係好啦！不過呢啲嘢唔係我哋控制。如果開續集，我想演機械人！」麥美恩則說：「我就希望飾演一個男性機械人，好玩啲！」
李佳芯拒認求婚
至於久未公開露面的Ali透露新劇將於10月開工，她會利用這段時間與粉絲多參與活動推廣共融：「之前探訪過智障、視障同聽障等人士。」
提到早前受訪時剖白與前男友陳炳銓的一段情，她表示：「本來只係美容品牌安排嘅訪問，nike sneakers估唔到變咗感情事專訪，呢樣唔係我嘅原意。總之我哋兩個之間嘅事，自己知就得。（話結唔成婚就分手？）絕對唔係單一原因。（日後仲夠唔夠膽同男友主動提婚事？）遇到啱嘅人好自然會諗呢啲問題，其實唔係我主動，一段咁長嘅關係，大家有共識。」同時又否認購入豪宅。
首次擔正做男一的陸永連環慘被親熱戲對手玩踢爆，先有馮盈盈爆他雙腳比腰有力，後有江欣燕「嫌棄」他又鹹又濕，於遊艇上演「吸啜」戲寧願錫其頸部都唔揀樣，就連他的兩位千金睇劇亦只撐李佳芯，令他顏面掃地！
藝人李佳芯、陸永、hey dude馮盈盈、簡淑兒、江欣燕、麥美恩等，昨日為熱播劇《智能愛人》造勢，其中盈盈指劇中跟陸永是對歡喜冤家，並笑說拍完場雙人瑜伽的「親熱戲」後發覺對方「不濟」︰「佢條筋好硬，拍之前要教佢拉筋放鬆，之後有個動作係要佢用雙腳抬起我喺半空中，好彩佢對腳比腰有力，冇跌我落嚟！」又興奮表示收到好多網民大讚她咬字清晰，不需再靠字幕提示︰「大家見到我有進步、改善，證實冇白費到啲錢同埋努力！」
席間眾人大玩測謊遊戲，江欣燕被問到跟陸永拍親熱戲時可有心跳加速？她笑言只記得當時要錫對方條爆汗頸，覺得又鹹又濕，隨即更「案件重演」，陸永自動拉低件衫埋位，女方作狀錫落去，笑翻全場！男方大笑說：「大熱天時着長袖衫拍，梗係濕晒！」又大談跟江欣燕在遊艇上的梳化「肉搏」︰「好大心理關口㗎……對江欣燕嚟講！但個故事設定幾好，skechers outlet佢覺得我個樣太差，淨係鍾意我條頸，所以就擰轉我塊面，係咁『吸啜』！」
囡囡扮李佳芯大肚
此外，陸永謂兩個囡囡終於知道他有份演出，又大爆她們扮「阿寶」李佳芯大肚：「用Cushion塞落肚扮大肚，再學埋句台詞同我講『有心、有心』。（對你做戲有咩評價？）冇！佢哋淨係鍾意阿寶！」李佳芯開心謂知道有小朋友扮演她，覺得好得意，證明劇集富娛樂性。
所謂魚唔過塘唔肥！無綫高層變陣後，下層演員都識走位重新擺陣，昔日余詠珊愛將黃翠如、洪永城、麥美恩亦已「埋位」，翠如正式落實續約，而率先「跑出」的麥美恩更成為監製新寵，被欽點拍攝《巾幗梟雄》系列重頭作，將與鄧萃雯鬥戲，躋身無綫花旦行列。
繼曾志偉入主無綫擔任副總經理，一眾余詠珊「愛將」即被指失靠山，無綫高層樂易玲及星夢CEO何麗全已紛紛逐一約見「星夢」旗下歌手作安撫，給他們強心針。日前無綫副主席及行政總裁李寶安宣布將於5月底退休，隨即助理總經理余詠珊亦表示本月底辭職，但其愛將不但沒有成「棄將」被打入冷宮，有實力者依然被無綫器重，首先彈起的就是麥美恩。綜藝、劇集「雙飛」發展的她成了綜藝節目及劇集監製的新寵兒，之前為部署新劇的她極速收身，一副戰鬥格，與胡鴻鈞、馬貫東等拍完短劇《愛上我的衰神》後，更被派演新一輯《巾幗》系列，角色更是超筍位，與女主角鄧萃雯甚多對手戲，望打造出另一面的她。至於久未開劇的黃翠如，據知之前一直與公司拉鋸中，但日前已正式續約，正等待安排新工作，而洪永城之後亦將獨擔大旗主演新劇。
獲欽點戲鬥鄧萃雯
麥美恩之前於劇集《使徒行者3》及《陀槍師姐2021》的演技備受讚賞，日前她受訪時坦言希望與更多藝人擦出新火花。說到成了劇集、綜藝監製的「愛將」，她即笑說：「我好驚『愛將』呢啲稱號，其實我都係TVB出身，選港姐出嚟(口架)！都係自己好彩，我好enjoy份工，公司都係用人才，監製話欣賞我嘅節奏，可能做得綜藝節目多，自己會努力做好每樣嘢，希望有人睇到！」又表示喜歡拍喜劇：「之前好多都係挖苦自己，依家人大咗，會用另一種幽默、唔同層次去演繹，希望每一次喜感都唔同。」她指之前都有跟搞笑前輩合作，拍《陀》劇時見宣萱平日好認真，但拍起喜劇反而效果十足，而於《智能愛人》中，她與陸永、蔣志光有很多對手戲，他們都是學習對象。
此外，據知她將會拍攝《巾幗》系列，此劇原有班底只有黎耀祥、鄧萃雯、敖嘉年及謝雪心留低，今次她加入主力跟鄧萃雯鬥戲，問到與「阿姐級」合作會否壓力大時，麥美恩說：「其實我仲未收到消息，詳情未知，不過反而唔怕，我好鍾意同姐級合作，之前綜藝節目同汪阿姐（汪明荃）、嘟姐（鄭裕玲）合作得好開心，（唔會怯？）佢哋好錫我，知我做嘢好認真，鏡頭前我好淡定，鏡頭後其實好緊張，不過依家輕鬆好多，冇咁多包袱。」
最想同古天樂合作
她不諱言想拍多些劇，打好根底，續說：「世界咁大，好多唔同嘅機會，練好自己把刀先，拍劇試啱條路，希望之後可以行得遠啲。」問到最想跟哪位演員合作學嘢時，她即說：「古天樂！宣萱、林峯都係佢旗下藝人，就知佢有眼光啦！」
緋聞情侶麥美恩與許文軒（Edmond）孖住出席《粵講粵㜺鬼》節目宣傳，玩遊戲伸手入箱猜箱內食材時，麥美恩摸到蔗後即口快快說：「咁粗嘅，唔係Edmond嘅。」Edmond立即伸手與美恩一齊摸，摸足半分鐘，現場立即起哄，有人大叫：「唔好借啲意拖手。」同節目的歌手戴祖儀又在兩人後面做心心，事後兩人亦大方派心心，問是否公開戀情？美恩詐傻：「我話佢手臂粗！」Edmond笑言自己大髀粗。
由於男方首次由主播轉做節目，美恩讚他努力，但否認有推薦對方：「佢靠自己，監製揀咗佢後，係有問過我。呢個節目唔係一般主持，仲要識做戲，（有你特別培訓？）有培訓計劃，點搶Fo，佢係男仔辛苦啲，所有飛身、舞醒獅都係佢做，（培訓完得唔得？）去多轉廣州先，之前去過5日，嚟緊去7日。」問到出埠會再增進感情？麥美恩直言好少跟男仔出埠，冇鬧交已很好，因為出埠會見真章，讚Edmond好就得她：「有次好攰同戴祖儀想去揼骨，叫埋Edmond，佢又肯，我唔想揼全身，淨係揼腳，佢都肯就我，（咁好做男友？）再出多次埠先，佢又唔會佔我便宜。」
首次拍節目的許文軒，透露放下主持包袱，會扮女人又會着古裝，並多謝美恩支持，大讚她經驗老練，問會否以身相許？他說：「叫佢教多啲點扮靚女。」
