Posts Tagged ‘ bra ’
藝人孫慧雪及張美妮主持網上節目，大爆請陪月的經歷，阿雪就大爆一個奇怪姨姨的行徑：「佢好鍾意唔戴胸圍，又經常喺BB房只着住條底褲行嚟行去。老公試過開CCTV想睇吓個仔喺房做緊咩，竟然見到個姨姨下半身冇遮冇擋！又試過個姨姨聽到我老公叫佢，突然喺浴室只包住條毛巾衝出嚟問咩事，嚇到老公即刻話『冇嘢喇』掉頭走！」
張美妮就自爆曾用9萬元請了個性格不合的陪月，大呻肉赤：「其實係5萬幾蚊1個月，24小時陪月，但我一簽就簽咗2個月，最終唔夾，唔到1個月已經用唔到落去！」她解釋指自己想埋身餵人奶，陪月則認為她應該預先泵奶，免得半夜起床餵奶要等足個多小時，更向其老公投訴，令她委屈爆喊！
32歲湯怡近年熱愛做運動，又跑步又行山，早前她就在IG出圖出片，穿上性感運動Bra行鳳凰山，更在IG限時動態和網民玩問答，當中提到有沒有遇到發哥，她就答晨跑遇過；有網民問有沒有想過玩毅行者，她就回答：「唔好講笑，有。」
湯怡在IG出行山圖留言：「呢幾日放假，放到連電話都放低埋message keep住唔覆。今日好開心啊！終於去咗行山！上到鳳凰山山頂，食埋我的最愛，好滿足。好怕昆蟲嘅我，有隻蜜蜂突然飛咗落隻手度，嗌完果下都真係嚇親自己。兩個月無做運動嘅我 今晚真係要好好休息一下。本小姐而家攤抖下先，再傾。」
無綫劇集《十二傳說》昨日水戰宣傳，T恤上陣的蔣家旻與李君妍水中肉搏時齊齊失守，一個露黑Bra，一個倒奶，春光乍洩。劉佩玥則最錫身避戰，只在池邊射水槍「抽水」。
藝員蕭正楠、林夏薇、劉佩玥、蔣家旻、李君妍等昨日在黃竹坑某酒店泳池進行水戰宣傳，女藝員以T恤短褲示人，人妻林夏薇將上衣兩邊剪開，騷內裏性感泳衣；劉佩玥則甚為錫身，沒有參與水戰，只在池邊觀戰射水槍。穿上T恤防走光的蔣家旻與李君妍在浮床大戰，兩女肉搏互推對方落水，但玩得太投入，結果齊齊胸前失守，蔣家旻離奇露黑Bra，而泳衣打底的李君妍則拋胸倒奶。
大無畏着內衣落水的蔣家旻解釋，因活動前駕車迷路，到場時只來得及換泳褲，故上身未有換泳衣，但不擔心走光。問到濕身後豈不是沒有內衣更換，她笑說：「天氣太熱，已經乾乾哋，攞個風筒吹吓就得。我擔心個泳池水深多啲，因為我唔識游水，張頴康仲推我落水，試過要為節目學潛水，潛咗落三米已經驚到唔識呼吸，我忌水嘅！」
蕭正楠冇着底褲最Sexy
而蕭正楠玩水上活動時卻穿長褲，被取笑比林夏薇更密實，他笑說：「我梗係密實啦！可以騷咩呢？其實我今日絞肚痛，我都驚整污糟個泳池，一陣間睇吓泳池水有冇黃色啦！」林夏薇聞言即說：「好核突呀，我唔落水喇！」蕭正楠又自爆沒有穿底褲：「咁樣會唔會性感啲？因為我得一條底褲，濕咗冇得換，翠如去咗澳洲拍旅遊節目，屋企冇人洗，要慳住着，哈哈。」林夏薇表示到泳池玩水，故稍為性感，最開心劇集口碑好，網上搜尋榜也打入十大。此外，黎燕珊被問到為何不落水？她笑說：「本來我要落水，因為以前拍電影整傷腰，驚落水跌親。其實着三點式都冇所謂，50幾歲都可以靚！」
前韓團KARA成員具荷拉上月輕生獲救後，選擇在日本再投入演藝事業，簽約日本事務所的她前晚是事發後首度公開亮相，在直播的東京電視台節目中表演，但tube dress期間意外滑下，雖然露出nude bra洩春光，但具荷拉亦能淡定地完成演出。圖：網上圖片
具荷拉上月26日輕生幸及時獲送院救治未有大礙，其後自爆患抑鬱症。之後她選擇在日本重新出發，簽約事務所做仲間由紀惠師妹。前晚，她為直播音樂節目《東京電視台音樂祭2019》演出，她先以日文談及近況，並指自己已無大礙，希望大家繼續為她打氣。
之後具荷拉演唱經典歌曲《Mr.（ミスタ）》，她做出招牌扭臀動作時，露肩裙胸前位置突然愈滑愈落，令她露出nude bra，幸未有露點。不過她仍然淡定演出，拉回裙子補鑊。不少網友看後為她感到心痛，而具荷拉昨在網上以日文留言，「事隔這麼久再上音樂節目真的很開心，不過昨日嚇了我一跳，令我有點不安，不過我都努力到最後，感謝大家的支持。」
