蔡潔抄李佳芯上位網友唔BUY 曾全裸肉搏曾志偉 忽然玩失蹤飛王宗堯
TVB台慶劇《拳王》陽剛味濃，梗要睇吓女角balance返。除咗有賴慰玲同姚子羚，仲有加入大台無耐嘅蔡潔。最近大台嘅SEE SEE TVB facebook專頁整咗張惡搞圖考眼力，skechers outlet叫網友分辨蔡潔同李佳芯……講起先發覺，蔡潔又真係好似Ali，不過留言網友多數唔BUY！
蔡潔簽約邵氏3年，《拳王》以外仲會係《法證先鋒V》女一。咁快已經為重頭劇孭飛，睇返過去嘅新聞，32歲嘅蔡潔肯搏又識睇風勢，比起等運到嘅姐仔更有鬥心。要紅，就係要有呢啲特質架啦！
喺內地成長嘅蔡潔，就讀廣州暨南大學導演系，係《還珠格格》「皇阿瑪」張鐵林嘅愛徒。2012年蔡潔喺澳洲讀碩士嗰陣參加墨爾本華裔小姐，一口氣拎咗7個大獎，破晒大會紀錄。2013年佢再代表墨爾本參加TVB國際中華小姐，並贏得最受傳媒歡迎佳麗獎。
選完華姐之後蔡潔返澳洲完成學業，畢業後被導演彭浩翔相中，演出電影《香港仔》，飾演曾志偉外遇對象「護士仔」，戲中同曾志偉有全裸肉搏戲份，意識大膽，並憑該片獲提名第34屆香港電影金像獎最佳新演員。蔡潔之後加盟黃柏高旗下嘅太陽娛樂文化，不過未見有突出之作，到2018年「轉會」，由王晶嘅星王朝同邵氏共同管理，算係4分1個TVB親生女，拍過《飛虎之雷霆極戰》演電腦專家，同吳卓羲有感情線。至於拍咗未播嘅TVB劇仲有《飛虎3壯志英雄》及《廉政狙擊》。
入行多年，蔡潔最為人記得嘅可能係同王宗堯拍過拖。2016年7月王宗堯同蔡潔撻著，仲帶女友去周家怡生日飯局，點知半年後蔡潔向傳媒表示，因為工作關係少見面，決定同王宗堯分手。半年後，nike outlet王宗堯上杜汶澤嘅節目做嘉賓，自爆原來蔡潔有段時間忽然玩失蹤，王要睇新聞先知被分手。阿澤喺節目度亦都爆料，話試過搵蔡潔拍戲，蔡仲表現得好欣賞阿澤，點知開鏡前4日，蔡潔以「驚影響內地市場」為由辭演，暗示係同阿澤嘅政見有關。至於同王宗堯分手又係咪呢個原因？怕且要問蔡潔先知嘞。
