女神簡淑兒 (Jessica) 日前著上和服遊京都參拜神社
女神簡淑兒 (Jessica) 日前著上和服遊京都參拜神社，獲網民勁讚有仙氣同kawaii，原來佢同行仲一位好閨蜜，呢個就係咪神陳婉衡！不過今次陳婉衡就收起E奶，改著和服扮日本娃娃，同好友簡淑兒一齊鬥仙氣，獲網友勁like！
簡淑兒 陳婉衡 著四層和服
簡淑兒同陳婉衡兩個好姊妹今次同遊日本，原來係一次慶生之旅，陳婉衡生日係上月尾，而簡淑兒就係下月中，陳婉衡話時間啱啱好：「去之前已經好期待，好想同佢一齊著和服影相，今次終於做到！」
陳婉衡又指兩人約定每年都要一齊去一次旅行：「我哋想之後去唔同國家著住當地嘅民族服裝影相，好似一個紀念咁，或者下次可以去韓國著韓服！」
簡淑兒同陳婉衡去到京都著名景點千本鳥居留影，兩個日本娃娃亦成遊客眼中嘅景點，畀人爭住求合照！
雖然獲網民大讚靚女同Kawaii，但陳婉衡就狂呻著和服好熱：「我最怕熱，件和服總共有四層，其實好熱，而且修腰又束到好實，個胃有啲頂住，所以都食唔到太多嘢！」
陳婉衡 束腰晒身材
陳婉衡仲爆兩人前兩日去埋大阪旅遊，好彩當時落住雨冇咁熱。
真係好有仙氣！個束腰仲令到陳婉衡身材好玲瓏浮凸㖭！
簡淑兒 粉色卡哇伊
簡淑兒日前已率先上載著粉色系和服遊京都參拜神社嘅靚相，同樣獲讚充滿仙氣，網友仲讚佢好kawaii！
陳嘉寶 蔡穎恩 三人行
此外陳嘉寶 (Anjaylia) 同蔡穎恩 (Evelyn) 兩位女神近日亦一齊飛到日本關西旅行，同行仲有男模兼Blogger林皓霆 (Charles)，去到京都三人集體著和服擺甫士影相，獲網民勁讚仙氣十足，仲有網民話好有戀愛嘅感覺㖭！
廣告
不過蔡穎恩個手袋就被指唔襯套和服，而陳嘉寶就係對鞋太出戲！
廣告
陳嘉寶獲網友留言大讚其和服look「有種戀愛的感覺」。
廣告
廣告
而蔡穎恩亦獲讚激似日本女神綾瀨遙！
廣告
遊環球影城
之後三人又去埋大阪環球影城，蔡穎恩揸住魔法棒喺哈里波特嘅霍格華茲城堡前留影，搞笑留言：「畢業生回校日！」
廣告
陳嘉寶仲食埋京都好出名嘅錄茶雪糕，食到成個嘴仔都污糟晒，佢話係最新興嘅彩妝嚟！
廣告
廣告
延伸閱讀：
歎世界Infinity Pool精選！泰國Best 5蘇梅Resort推介+網民評分
【父親節+端午節】為爸爸送上快樂假期！8大抵玩本地酒店推介
【深宮計】何止死6個？起碼死多5個｜《深宮計》死亡名單仲有佢哋⋯
【深宮計】變身太平公主過程曝光｜陳煒 自己動手畫花鈿
【深宮計】胡定欣頻現高低眉 ｜網友：得罪化妝師？
【深宮計】宮女李美慧 被爆大肚趕嫁富商｜繼女環保送BB衫
《宮心計2》女星激多 邊個古裝look最索？
【深宮計】籌百萬醫藥費｜張慧儀獨力撫養患病養子
【深宮計】童年遭街童欺凌4年 堅強張文慈 靠信仰走出陰霾
馬浚偉劇透《深宮計》角色：絕對唔係正義L！
【深宮計】羅霖演凍齡大宮女 狂呻拍通頂捱到殘
馬浚偉入行25年：直覺唔會攞視帝
關鍵詞
簡淑兒陳婉衡京都和服
- DBS Eminent Card迎新優惠高達$910現金簽賬回贈
- 《福布斯旅遊指南》五星大奬！訂澳門酒店再送$688禮劵嘆SPA、購物
- 【儲里數必備】渣打亞洲萬里通萬事達卡迎新禮遇低至HK$0.5/里！
廣告
