八大《Inside Out》鮮為人知秘聞

Pixar最新作品《Inside Out》(玩轉腦朋友)肯定係近期最hit電影！電影題材新穎有趣，將人嘅腦海世界以動畫化方式呈現，以五位腦朋友阿樂Joy、阿愁Sadness、阿憎Disgust、阿驚Fear同阿燥Anger為主角，探討細路女韋莉嘅情緒變化。唔單止小朋友爭住睇，連唔少大人都睇到感動落淚，被譽為本年度神作之一！《新地網》現在為大家精選五個《Inside Out》(玩轉腦朋友)嘅小秘密，睇完電影嘅你可能都未必知，絕對不容錯過！

電影本來有第六位腦朋友？

其實電影中五個腦朋友係絕對有根有據的，佢哋係參考自研究情緒嘅權威心理學家Dr.Paul Ekman於1976年提出嘅「基本情緒」(Primary Emotion)，分別係快樂(Joy)、憤怒(Anger)、厭惡(Disgust)、恐懼(Fear)以及悲傷(Sadness)及驚訝(Surprise)。大家應該留意到以上係有六個情緒，不過由於恐懼同驚訝所觸發嘅面部表情太相似，所以電影決定將驚訝剔除，令餘下嘅每一個角色都更加鮮明。就算係闖入腦海深層世界嘅二人組合都經過無數次更改(本來嘅組合係阿樂同阿愁)。

咁如果真係有「驚訝」呢位角色，佢又叫咩名好？阿訝？